రాజీవ్ రహదారిపై రోడ్డు ప్రమాదం.. ఇద్దరు మృతి

రోడ్డు ప్రమాదంలో ఇద్దరు వ్యక్తులు మృతి చెందారు. సిద్దిపేట జిల్లా కొండపాక మండల పరిధిలో ఈ ఘటన చోటుచేసుకుంది.

సిద్దిపేట జిల్లా కొండపాక మండల పరిధిలోని రాజీవ్ రహదారిపై ఘోర రోడ్డు ప్రమాదం జరిగింది. ఈ ఘటనలో ఓ వ్యక్తికి అక్కడిక్కడే మృతి చెందగా... మరొకరు ఆసుపత్రికి తరలిస్తుండగా మరణించాడు. వరంగల్​కు చెందిన రమేష్ (30), సాగర్ (30) హైదరాబాదులో ఎలక్ట్రీషియన్ పని చేస్తూ జీవనం కొనసాగిస్తున్నారు.

వీరిద్దరూ ద్విచక్రవాహనంపై స్వగ్రామానికి వచ్చి శనివారం తెల్లవారుజామున హైదరాబాద్​కు తిరుగు పయనమయ్యారు. ద్విచక్ర వాహనం అదుపు తప్పి డివైడర్​ను ఢీ కొని వాహనం కింద పడిపోయారు. అదే సమయంలో అటు నుంచి వస్తున్న లారీ వీరిపై నుంచి దూసుకెళ్లింది.

ఇదీ చూడండి: 'కూలి'న బతుకులు: రోడ్డు ప్రమాదంలో ఐదుగురు దుర్మరణం