మహబూబ్ నగర్ జిల్లా 44వ జాతీయ రహదారిపై అన్నసాగర్ సమీపంలో జరిగిన రోడ్డు ప్రమాదంలో ఇద్దరు యువకులు అక్కడిక్కడే మృతి చెందారు. భూత్పూర్ మండలం తాటికొండ, నెహ్రూ నగర్ గ్రామాలకు చెందిన ప్రసాద్(25), శివ (22) జడ్చర్ల సమీపంలో పోలేపల్లి సెజ్లోని ఓ ఫార్మా కంపెనీలో పనిచేస్తున్నారు.
మంగళవారం విధులు ముగించుకుని గ్రామానికి వస్తుండగా.. ద్విచక్ర వాహనం అదుపుతప్పి రహదారి పక్కన ఉన్న చెట్టును ఢీకొట్టింది. ఈ ఘటనలో ఇద్దరు యువకులు అక్కడికక్కడే మృతి చెందారు. కాగా ద్విచక్రవాహనంపై ఉన్న ఇద్దరూ హెల్మెట్లు ధరించారు. పోలీసులు కేసు నమోదు చేసుకుని విచారణ చేపట్టారు.
ఇదీ చదవండి: ఆర్టీసీ బస్సు ఢీకొట్టి వ్యక్తి అక్కడికక్కడే మృతి
