సూర్యాపేట జిల్లా చిలుకూరు మండలం మిట్స్ కళాశాల సమీపంలో ట్రాక్టర్ బోల్తా పడగా ఒకరు మృతి చెందారు. ఈ ప్రమాదంలో 17 మంది కూలీలు తీవ్రంగా గాయపడ్డారు. అందులో ఇద్దరికి రెండు చేతులు విరిగినట్లు తెలుస్తోంది. మరో ఇద్దరి పరిస్థితి విషమంగా ఉండటంతో మెరుగైన వైద్యం కోసం హైదరాబాద్కు తరలించారు. తీవ్రంగా గాయపడిన వారిని ఖమ్మంలోని మరో ఆస్పత్రికి తరలించినట్లు వైద్యులు తెలిపారు. వీరంతా హుజూర్నగర్లోని సీతారాంనగర్కు చెందినవారిగా గుర్తించారు.
వీరంతా రోజూలాగే నాటు కూలీ పనికి వెళ్లి తిరిగి వస్తుండగా ప్రమాదం చోటు చేసుకుంది. కోదాడ నుంచి హుజూర్నగర్ వెళ్లే రహదారి మార్గమధ్యలో అదుపుతప్పిన ట్రాక్టర్ రోడ్డు పక్కనే ఉన్న పెద్ద గుంతలో పడింది. ఘటనా స్థలంలోనే ఈర్ల మంగమ్మ అనే మహిళ మృతి చెందింది. ప్రమాద సమయంలో చీకటి ఉండగా.. ఏం జరిగిందో తెలియలేదని కూలీలు భయాందోళన వ్యక్తం చేశారు. క్షతగాత్రులను చూసేందుకు కుటుంబసభ్యులు, బంధువులు హుజూర్నగర్ ఆస్పత్రికి తరలివచ్చారు.
