ఇంట్లో ఉరి బిగించుకున్న యువకుడిని కాపాడిన పోలీసులు

ఉరి బిగించుకున్న యువకుడిని హైదరాబాద్ పోలీసులు కాపాడారు. ఖైరతాబాద్‌లో ఓ యువకుడు ఇంట్లో గదిలోకి వెళ్లి తలుపులు వేసుకున్నాడు. తలుపులు తీయకపోవడంతో కుటుంబసభ్యులు పోలీసులకు సమాచారం ఇచ్చారు. ఘటనాస్థలికి చేరుకున్న పోలీసులు.. తలుపులు పగులగొట్టి యువకుడిని కాపాడారు.

హైదరాబాద్ ఖైరతాబాద్​లో వ్యక్తి ఆత్మాహత్యాయత్నం చేశాడు. చేయి మనికట్టు కట్ చేసుకొని గదిలోకి వెళ్లి... తాళం వేసుకున్నాడు. ఎంత సేపటికి తలుపులు తీయకపోవడం వల్ల... కుటుంబ సభ్యులు సైఫాబాద్ పోలీసులకు సమాచారమిచ్చారు. గది తలుపులు బద్దలు కొట్టిన పోలీసులు... ఫ్యాన్​కు ఉరి వేసుకొనేందుకు యత్నించిన ఆ వ్యక్తిని కాపాడారు.

చికిత్స కోసం స్థానిక ఆసుపత్రికి పోలీసులు తరలించారు. కేసు నమోదు చేసుకున్న సైఫాబాద్ పోలీసులు ఆత్మహత్యకు గల కారణాలను ఆరా తీస్తున్నారు. సమయస్ఫూర్తితో వ్యవహరించిన కానిస్టేబుల్ శ్రీనివాస్... వ్యక్తి ప్రాణాలను కాపాడారు.