విద్యుదాఘాతానికి గురై బావిలో పడి రైతు మృతి

మహబూబాబాద్​ జిల్లా హాజా తండాలో విషాదం చోటుచేసుకుంది. వరి పొలానికి నీరు పెట్టేందుకు వ్యవసాయ బావి వద్దకు వెళ్లిన రైతు విద్యుదాఘాతంతో మృతి చెందాడు.

మహబూబాబాద్ జిల్లా నర్సింహులపేట మండలం పెద్దనాగారం శివారు హాజా తండాలో విషాదం చోటు చేసుకుంది. భూక్య బిచ్చ అనే రైతు వరి పొలానికి నీరు పెట్టేందుకు వ్యవసాయ బావి వద్దకు వెళ్లాడు. ప్రమాదవశాత్తు విద్యుదాఘాతానికి గురై పక్కనే ఉన్న బావిలో పడి పోయాడు.

తలకు గాయమై మృతి

తలకు తీవ్రమైన గాయం కావడం వల్ల అక్కడికక్కడే మృతి చెందాడు. మృతుడి కుటుంబ సభ్యుల రోదనలతో స్థానికులు కన్నీటిపర్యంతమయ్యారు. ఘటనా స్థలాన్ని పరిశీలించిన పోలీసులు కేసు నమోదు చేసుకుని దర్యాప్తు చేస్తున్నారు.

ఇవీ చూడండి:వృద్ధురాలి వద్ద పింఛన్​ డబ్బులు కాజేసిన ప్రబుద్ధుడు