ఆంధ్రప్రదేశ్లోని చిత్తూరు జిల్లా పెద్ద పంజానీ మండలానికి చెందిన వైకాపా నాయకుడు శ్రీనివాసులుపై స్థానిక పోలీస్ స్టేషన్లో కేసు నమోదైంది. శ్రీనివాసులు తనను లైంగికంగా వేధిస్తున్నాడంటూ మండలంలోని ఓ గ్రామానికి చెందిన మహిళా వాలంటీర్ ఫిర్యాదు చేసింది. కోర్చిక తీర్చకుంటే విధుల నుంచి తొలగిస్తానని బెదిరింపులకు దిగాడని బాధితురాలు వాపోయింది. దీనిపై ఆధారాలతో సహా మహిళా వాలంటీర్ ఫిర్యాదు చేయగా... పోలీసులు కేసు నమోదు చేసుకుని దర్యాప్తు చేస్తున్నారు.
మండల కార్యాలయంలో వైకాపా నేత శ్రీనివాసులు జులుం ప్రదర్శిస్తున్నాడని కొందరు అధికారులు ఆరోపిస్తున్నారు. ఇటీవల కాలంలో అధికారిక కార్యక్రమాలలో సైతం పాల్గొని...పెత్తనం చలాయిస్తున్నాడని చెప్పారు. ఇదేంటని ప్రశ్నిస్తే తమనే బెదిరిస్తున్నాడని అధికారులు ఆవేదన వ్యక్తం చేశారు.
ఇదీ చదవండి: కాంగ్రెస్ నాయకుల అరెస్ట్: పంజాగుట్ట నుంచి గోషామహల్కు తరలింపు
