వికారాబాద్ జిల్లా తాండూరులో రూ. 2 లక్షలు విలువ చేసే నిషేధిత గుట్కా ప్యాకెట్లను పోలీసులు పట్టుకున్నారు. సోమవారం రాత్రి ఇంతియాజ్ అనే వ్యక్తి తన కారులో కర్ణాటక నుంచి గుట్కా ప్యాకెట్లను పట్టణానికి తీసుకువస్తుండగా పట్టుబడ్డాడు. నిందితుని నుంచి కారు, గుట్కా ప్యాకెట్లు స్వాధీనం చేసుకున్నారు.
పాత తాండూరుకు చెందిన ఎండీ ఇంతియాజ్ స్థానికంగా పాన్షాప్ నిర్వహిస్తున్నాడు. అతని దుకాణంతో పాటు పట్టణంలోని ఇతర ప్రాంతాల్లోని పాన్షాప్లు, కిరాణా దుకాణాలకు సైతం గుట్కా ప్యాకెట్లను విక్రయిస్తున్నట్లు పోలీసులు తెలిపారు. కర్ణాటక నుంచి గుట్యా ప్యాకెట్లు తీసుకువస్తున్నట్లు వెల్లడించారు. నిందితునిపై కేసు నమోదు చేసి దర్యాప్తు చేస్తున్నట్లు పోలీసులు తెలిపారు.
