దక్షిణ కొరియాలో కరోనా వైరస్ బారిన పడేవారి సంఖ్య నానాటికీ పెరుగుతోంది. ఆ దేశంలో కొత్తగా 60 కేసులు నమోదయ్యాయి. కేవలం మూడు రోజుల్లో వైరస్ సోకిన వారి సంఖ్య 893కు చేరుకుంది. డేగు, ఉత్తర జియోంగ్సాంగ్ రాష్ట్రాల్లో దీని ప్రభావం అధికంగా ఉంది.
2.5 మిలియన్ల జనాభా ఉన్న డేగు రాష్ట్రంలో కరోనా వ్యాప్తి అధికంగా ఉంది. ప్రజలు మాస్క్ల కోసం పెద్ద సంఖ్యలో బారులు తీరుతున్నారు.
ప్రజలు ప్రత్యేక జాగ్రత్తలు తీసుకోవాలని అధికారులు సూచిస్తున్నారు. జ్వరం, శ్వాసకోశ సంబంధిత రోగులు ఇళ్లకే పరిమితమవ్వాలని చెబుతున్నారు.
" ప్రస్తుతం దక్షిణ కొరియా పరిస్థితి అత్యంత ప్రమాదకరంగా ఉంది. కరోనా వైరస్ను అడ్డుకునేందుకు గట్టి పోరాటం చేయాల్సిన సమయం ఇది. ఇందుకు ప్రభుత్వం అన్ని రకాలుగా సహాయ సహకారాలు అందిస్తుంది."
-మూన్ జే ఇన్, దక్షిణ కొరియా అధ్యక్షుడు
80వేలు దాటిన కేసులు..
కరోనా బాధితుల సంఖ్య ప్రపంచవ్యాప్తంగా 80 వేలకు చేరుకుంది. ఇందుకు సంబంధించిన తాజా గణాంకాలను వెల్లడించింది ప్రపంచ ఆరోగ్య సంస్థ.
| దేశం | కేసులు | మృతులు |
| చైనా | 77,658 | 2,663 |
| హాంకాంగ్ | 81 | 2 |
| మకావ్ | 10 | - |
| జపాన్ | 850 | 4 |
| దక్షిణ కొరియా | 893 | 8 |
| ఇటలీ | 229 | 7 |
| సింగపూర్ | 89 | - |
| ఇరాన్ | 61 | 12 |
| అమెరికా | 35 | 1 |
| థాయ్లాండ్ | 37 | - |
| తైవాన్ | 30 | 1 |
| ఆస్ట్రేలియా | 23 | - |
| మలేసియా | 22 | - |
| వియత్నాం | 16 | - |
| జర్మనీ | 16 | - |
| ఫ్రాన్స్ | 12 | 1 |
| యూఏఈ | 13 | - |
| బ్రిటన్ | 13 | - |
| కెనడా | 11 | - |
| ఫిలిప్పీన్స్ | 3 | 1 |
| కువైట్ | 3 | - |
| భారత్ | 3 | - |
| రష్యా | 2 | - |
| స్పెయిన్ | 3 | - |
| ఇజ్రయెల్ | 2 | - |
| ఓమన్ | 2 | - |
| బహ్రెయిన్ | 2 | - |
| లెబనాన్ | 1 | - |
| బెల్జియం | 1 | - |
| నేపాల్ | 1 | - |
| శ్రీలంక | 1 | - |
| స్వీడెన్ | 1 | - |
| కాంబోడియా | 1 | - |
| ఫిన్లాండ్ | 1 | - |
| ఈజిప్ట్ | 1 | - |
| అఫ్ఘానిస్థాన్ | 1 | - |
ఇదీ చదవండి: పర్యావరణంతో పిల్లల ప్రాణాలకు పెనుముప్పు.. ఆపే వీలేది?
