శస్త్రచికిత్స నిమిత్తం పోప్ ఫ్రాన్సిస్ (84) రోమ్లోని ఓ ఆస్పత్రిలో చేరినట్టు ఆదివారం మధ్యాహ్నం వాటికన్ వర్గాలు తెలిపాయి. పెద్దపేగుకు సంబంధించిన వ్యాధి లక్షణాలతో ఆయన బాధపడుతున్నారని పేర్కొన్నాయి. రోమ్లోని జెమెల్లి పాలిక్లినిక్లో ఆయన పెద్దపేగులకు శస్త్ర చికిత్స జరగనున్నట్లు తెలుస్తోంది. అయితే ఎప్పుడు జరుగుతుందన్న విషయాన్ని మాత్రం స్పష్టం చేయలేదు.
మరోవైపు సెప్టెంబరులో హంగరీ, స్లొవేకియాల్లో పర్యటిస్తానని పోప్ ప్రకటించారు.
ఫ్రాన్సిస్ ఆరోగ్యంగా ఉన్నారు. అయితే ఆయన యుక్త వయసులో ఉన్నప్పుడే ఊపిరితిత్తుల్లోని కొంత భాగాన్ని తొలగించారు. అంతే కాకుండా సయాటికాతో బాధపడుతున్నారు. అప్పుడప్పుడు నరాల బలహీనత కూడా ఆయన్ను వేధిస్తుంది.
ఇదీ చూడండి: చైనా ఆయుధాలు కొనేందుకు దేశాల వెనకడుగు!
