ఈసారి క్రిస్మస్కు మీ బంధువులు, ప్రియమైన వారికి బహుమతిగా మాస్క్ను ఇవ్వమని చెప్తోంది లండన్లోని 'ఓల్ఫ్ అండ్ బాడ్జర్' అనే సంస్థ. ఈ సంస్థ తక్కవ ధర నుంచి అత్యంత ఖరీదైన మాస్కులను రకరకాల ఆకృతులతో రూపొందిస్తోంది. మాస్కుల ధరలను 15 నుంచి 100 బ్రిటిష్ పౌండ్ల వరకు నిర్ణయించింది. పనికిరాని వస్త్రాలతో కొన్ని మాస్కులను రూపొందిస్తే...మరికొన్ని మాస్కులను మాత్రం విలువైన లోహాలు, రాళ్లతో కలిపి ఇక్కడి ఫ్యాషన్ డిజైనర్లు తయారుచేశారు.
ఈ సంవత్సరం క్రిస్మస్కు అతి త్వరగా, సులభంగా ఇచ్చే బహుమతి ఏదైనా ఉందంటే అది మాస్క్ మాత్రమే. కరోనా ప్రారంభ దశలో తక్కువ రకాల మాస్కులు అందుబాటులో ఉండేవి. కానీ ప్రస్తుతం చాలా రకాల ఫ్యాషన్ మాస్కులు అందుబాటులోకి వచ్చాయి. అధునాతనమైన ఆకృతులతోనూ మాస్కులు ఉన్నాయి.
- నటాలియా హుజ్డియాక్, ఆపరేషన్స్ మేనేజర్, ఓల్ఫ్ అండ్ బాడ్జర్ స్టోర్
ఈ సంస్థలో పనిచేసే ఫ్యాషన్ డిజైనర్ అమందా రైలీ..ఈ క్రిస్మస్కు మీ బంధువులకు మీరే స్వయంగా మాస్కు తయారు చేసి ఇవ్వండని సూచిస్తున్నారు. రైలీ.. తన పాత వస్త్రాలతో విభిన్న ఆకృతుల్లో పలు రకాల మాస్కులను తయారు చేశారు. మాస్కును ఎలా తయారు చేయాలన్న దానిపై యూట్యూబ్లో ఓ వీడియోను సైతం పోస్ట్ చేశారు.
నా దగ్గర ఉన్న పాత వస్త్రాల నుంచే నేను మాస్కులను తయారు చేశాను. అందులో నాకు బాగా నచ్చిన మాస్కు..జోన్ ఆఫ్ ఆర్క్. జోన్ ఆఫ్ ఆర్క్.. ఓ ధైర్యవంతమైన బాలిక. బహుశా ఈ మాస్కు..తను ఇష్టపడవచ్చు. ఇంకా క్లియోపాత్ర(రాణి), ఎలిజబెత్, ఎలిజబెత్ 1, కాళీ మాత.. తదితర వీర వనితల స్ఫూర్తితో మాస్కులను తయారు చేశాను. పాత వస్త్రాలను కట్ చేసి కొత్తవాటిని మాస్కులుగా తయారు చేయటం చాలా ఆనందంగా ఉంది. వాడి పడేసే మాస్కులతో పర్యావరణ కాలుష్యం అవుతుంది.అందువల్ల వస్త్రాలతో తయారు చేసిన మాస్కులు మేలు.
- అమందా రైలీ, ఫ్యాషన్ డిజైనర్
బ్రిటన్లో దాదాపు 22 శాతం మంది ఈ క్రిస్మస్కు తమ బంధవులు, ప్రియమైన వారికి మాస్క్ను బహుమతిగా ఇవ్వనున్నట్లు ఓ సర్వేలో తేలింది.
