ఫ్రాన్స్ రాజధాని ప్యారిస్లో దుండగులు కత్తితో దాడికి పాల్పడ్డారు. వ్యంగ్య వార్తా పత్రిక చార్లీ హెబ్డో పాత కార్యాలయం సమీపంలో జరిగిన ఈ ఘటనలో నలుగురికి గాయాలయ్యాయి. వీరిలో ఇద్దరి పరిస్థితి విషమంగా ఉంది. దాడికి పాల్పడ్డ దుండగులు పరారీలో ఉన్నట్లు ప్యారిస్ పోలీసులు తెలిపారు.
ఈ దాడికి అసలు కారణం ఏమిటనేది తెలియలేదు. చార్లీ హెబ్డో పత్రిక ఉద్యుగులే లక్ష్యంగా ఈ దాడి జరిగిందా అనే విషయంపైనా స్పష్టతలేదు.
2015లో ఉగ్రవాదులు.. పత్రిక సిబ్బందిపై దాడికి తెగబడి 12 మందిని పొట్టన బెట్టుకున్నారు. ఈ ఘటన అనంతరం సంస్థ తన కార్యాలయాన్ని వేరే ప్రాంతానికి తరలించింది.
ఇదీ చూడండి:ఇక విదేశీ యుద్ధాలకు అమెరికా స్వస్తి: ట్రంప్
