అధునాతన ఎస్-400 క్షిపణులను భారత్కు త్వరితగతిన చేర్చేందుకు కృషి చేస్తున్నామని రష్యా పేర్కొంది. ఇరుదేశాల మధ్య జరిగిన ఈ మిసైల్ ఒప్పందానికి డిప్యూటీ చీఫ్గా వ్యవహరిస్తోన్న రోమన్ బాబుష్కిన్ ఈ మేరకు వ్యాఖ్యానించారు. భారత్- రష్యా సంయుక్తంగా తయారు చేస్తోన్న 200 కామోవ్ కేఏ-226టీ యుద్ధ హెలికాప్టర్లతో ఇరు దేశాల మధ్య బంధం మరింత బలోపేతమవుతుందని పేర్కొన్నారు.
ఒప్పందం ప్రకారం.. వచ్చే ఏడాది చివరి కల్లా భారత్కు ఎస్-400 క్షిపణులను అందించాలి రష్యా. 2018 అక్టోబర్లో ఇరుదేశాల మధ్య ఈ ఒప్పందం కుదిరింది.
రష్యాతోనే మరింత సన్నిహితంగా...
ఇతర దేశాలతో సన్నిహితంగా మెదులుతున్నా.. భారత్కు రష్యాతోనే సత్సంబంధాలు ఎక్కువని బాబుష్కిన్ అన్నారు. అక్టోబర్లో భారత్-అమెరికా మధ్య జరిగిన 'బెకా' ఒప్పందాన్ని ఉద్దేశిస్తూ ఈ వ్యాఖ్యలు చేశారు. రక్షణ రంగంలో భారత్ను మరింత ధృడపరిచేందుకు ఇరుదేశాలు సంయుక్తంగా పనిచేస్తున్నాయని అన్నారు.
ఫిబ్రవరిలో బెంగుళూరులో జరగనున్న ఏరో ఇండియా ఎగ్జిబిషన్లో పాల్గొనేందుకూ రష్యా వేచిచూస్తోందని బాబుష్కిన్ తెలిపారు.
సంయుక్తంగా బ్రహ్మోస్!
భారత్, రష్యా సంయుక్తంగా తయారు చేసిన బ్రహ్మోస్ సూపర్ సోనిక్ క్షిపణులను ఇతర దేశాలకు విక్రయించనున్నట్లు బాబుష్కిన్ పేర్కొన్నారు. ముందుగా ఫిలిప్పీన్స్తో ఒప్పందం కుదుర్చుకోనున్నట్లు తెలిపారు. ఇటీవలే అధునాతన బ్రహ్మోస్ మిసైల్లను పరీక్షించామని వెల్లడించారు.
ఇదీ చదవండి:ఫిలిప్పీన్స్ను వణికిస్తోన్న 'వామ్కో' తుపాను
