భారత్-నేపాల్ మధ్య 'కాలాపానీ' వివాదం రోజురోజుకు ముదురుతోంది. తాజాగా.. నేపాల్ భూభాగంలోని ఒక్క అడుగును కూడా ఎవరూ ఆక్రమించుకోలేరని వ్యాఖ్యానించారు ఆ దేశ ప్రధానమంత్రి కే.పీ. ఓలీ. కాలాపానీ నుంచి తమ సైనికులను ఉపసంహరించుకోవాలని భారత్ను కోరనున్నట్టు తెలిపారు.
"ఎంతో దేశభక్తి ఉన్న ప్రభుత్వం మాది. నేపాల్ భూభాగంలోని ఒక్క అడుగు కూడా ఆక్రమించుకోనివ్వదు. కాలాపానీ ప్రాంతం నుంచి భారత్.. తన సైనికులను ఉపసంహరించుకోవాలి. ఈ వివాదాన్ని దౌత్యపరంగా పరిష్కరించుకోవాలని మా ప్రభుత్వం కోరుకుంటోంది."
--- ప్రధాని ఓలీ కార్యాలయం.
జమ్ముకశ్మీర్, లద్ధాఖ్.. రెండు కేంద్ర పాలిత ప్రాంతాలుగా ఆవిర్భవించిన అనంతరం భారత్ కొత్త మ్యాప్లను విడుదల చేసింది. వీటిలో పీఓకే(పాక్ ఆక్రమిత కశ్మీర్).. జమ్ముకశ్మీర్లో, గిల్గిత్-బాల్టిస్థాన్ ప్రాంతం లద్ధాఖ్లో ఉన్నాయి.
దేశ సరిహద్దును రక్షించుకోగలిగే సత్తా తమ ప్రభుత్వానికి ఉందని స్పష్టం చేశారు ఓలీ. నేపాల్కు చెందిన అక్రమిత భూములను తిరిగి పొందడానికి తమ భద్రతా దళాలు సిద్ధంగా ఉన్నారని తెలిపారు.
కాలాపానీ అంశంపై ప్రభుత్వానికి వ్యతిరేకంగా.. ప్రతిపక్ష నేపాల్ కాంగ్రెస్ పార్టీ నిరసనలు చేపట్టిన నేపథ్యంలో ఓలీ ఈ వ్యాఖ్యలు చేశారు.
