పాకిస్థాన్ ప్రధాని ఇమ్రాన్ఖాన్ జూలై 22న మొదటిసారి అమెరికా అధ్యక్షుడు డొనాల్డ్ ట్రంప్తో భేటీ కానున్నారు. ఈ సమావేశంలో ఇరుదేశాల మధ్య ద్వైపాక్షిక పురోగతిపై ఇరువురు నేతలు ప్రత్యేక దృష్టి కేంద్రీకరించనున్నారు. ఇటీవల పాకిస్థాన్పై బహిరంగంగా విమర్శలు చేసిన ట్రంప్ సైనిక సాయం నిలిపివేశారు. ఉగ్రవాద నిర్మూలనలో కఠిన చర్యలు తీసుకోవాలనీ సూచించారు.
డొనాల్డ్ ట్రంప్ ఆహ్వానం మేరకు పాక్ ప్రధాని ఇమ్రాన్ఖాన్ మొదటిసారిగా అమెరికా పర్యటనకు వెళ్లనున్నారని, ఆ దేశ విదేశాంగమంత్రిత్వశాఖ అధికార ప్రతినిధి ముహమ్మద్ ఫైసల్ తెలిపారు.
ఉగ్రవాదుల స్వర్గధామం...
గతేడాది ట్రంప్ బహిరంగంగా పాక్పై విమర్శలు గుప్పించారు. వాషింగ్టన్కు ఇస్లామాబాద్ ఏమీ సహకరించడంలేదని ఆరోపించారు. అబద్దాలు చెబుతూ మోసాలకు పాల్పడుతోందని, ఉగ్రవాదులకు స్వర్గధామంగా ఉందని విమర్శించారు. దీంతో ఇరుదేశాల మధ్య ద్వైపాక్షిక సంబంధాలు బలహీనపడ్డాయి.
ఇమ్రాన్ఖాన్ కూడా ట్రంప్పై విమర్శలు చేశారు. 2018 జనవరిలో మాట్లాడుతూ ట్రంప్తో భేటీ కావడం చేదు మాత్ర మింగడం లాంటిదని వ్యాఖ్యానించారు. అయితే తాను తప్పకుండా ట్రంప్తో సమావేశమవుతానని ఇమ్రాన్ అన్నారు.
అదే ప్రధాన అజెండా..
ఇమ్రాన్ఖాన్- ట్రంప్ భేటీ ప్రధాన అజెండా ఇరుదేశాల మధ్య ద్వైపాక్షిక సంబంధాల పునరుద్ధరణే' అని పాక్ విదేశాంగ మంత్రిత్వశాఖ అధికార ప్రతినిధి ఫైసల్ స్పష్టం చేశారు.
ఇదీ చూడండి: అహ్మదాబాద్: కన్నుల పండువగా జగన్నాథయాత్ర