ప్రపంచవ్యాప్తంగా 7 లక్షలు దాటిన కరోనా కేసులు

కరోనా వైరస్ ప్రపంచాన్ని గడగడలాడిస్తోంది. ఇప్పటి వరకు 7 లక్షలకు పైగా కేసులు నమోదయ్యాయి. మొత్తం 34,017 మంది వైరస్​తో మరణించారు.

కరోనా వైరస్​ ప్రపంచవ్యాప్తంగా 183 దేశాలకు పాకింది. ఇప్పటి వరకు మొత్తం 7,24,565 మంది వైరస్ బారిన పడినట్లు అధికారులు తెలిపారు. మహమ్మారి ధాటికి 34,017 మంది మృతి చెందారు.

అత్యధికంగా అమెరికాలోనే ఎక్కువ కేసులు నమోదయ్యాయి. మొత్తం 1,43,735 మందికి వైరస్​ సోకగా.. 2,514 మంది బలయ్యారు. 97,689 కేసులతో ఆ తర్వాతి స్థానంలో నిలిచింది ఇటలీ. ఈ దేశంలో 10,779 మంది మరణించారు. వైరస్​ కేంద్రబిందువు చైనాలో 81,470 కేసుల నమోదవ్వగా... 3,304 మంది మరణించారు.