సాహసం: కొండపై నుంచి స్కేటింగ్​ చేస్తూ కిందకు...

చైనాలో 'రోలర్​మన్'​ వెస్​ బ్లోండియూ సందడి చేశారు. మొదటిసారి చెంగ్దే పరత్వంపై రోలర్​ స్కేటింగ్ చేశారు. జాకీచాన్​ సినిమాలోని సన్నివేశాన్ని ప్రత్యక్షంగా చూసి స్థానికులు ఆనందించారు.

చైనా హెబేయ్​ రాష్ట్రం చెంగ్దే పట్టణంలో సందడి చేశారు రోలర్ స్కేటింగ్​ స్పోర్ట్స్​మన్ వెస్ బ్లోండియూ. అక్కడున్న ఓ పర్వతంపై రోలర్​ స్కేటింగ్​ చేసి స్థానికులను ఉత్సాహపరిచారు.

ఫ్రాన్స్​కు చెందిన బ్లోండియూకు అత్యంత సాహసోపేత స్పోర్ట్స్​మన్​గా గుర్తింపు ఉంది. 'రోలర్​మన్'​ అని పేరుంది. రోలర్​ స్కేటింగ్​లో గంటకు 112 కిలోమీటర్ల వేగంతో ప్రయాణించి బ్లోండియా నెలకొల్పిన రికార్డును ఎవరూ అధిగమించలేకపోతున్నారు. రోలర్​ స్కేటింగ్​ కోసం 32 చక్రాల ప్రత్యేక సూట్​ను రూపొందించుకున్నారు బ్లోండియూ.

'చైనీస్​ జోడియాక్​' సినిమాలో హాలీవుడ్​ నటుడు జాకీచాన్​ చంగ్దే పర్వతంపై నుంచి రోలర్​ స్కేటింగ్​ చేశారు. ఆ సినిమా యాక్షన్​ సన్నివేశాలకు బ్లోండియూనే దర్శకత్వం వహించారు. జాకీచాన్​కు డూప్​గానూ నటించారు.

"చెంగ్దేకు రావడం ఇదే తొలిసారి. ఈ పర్వతం బాగా నచ్చింది. మా దేశంలో ఉన్నట్లే అనిపించింది. స్కేటర్స్​కు అనువైన ప్రదేశం. ఇక్కడ రోలర్​ స్కేటింగ్​ చేసినందుకు సంతోషంగా ఉంది. వీలైతో మరోసారి ఇక్కడికి వస్తా."
-బ్లోండియూ, రోలర్​మన్​

ఇదీ చూడండి: వివిధ దేశాల్లో నిరంకుశత్వంపై ప్రజాగ్రహం!