వాయువ్య సిరియాలోని ఇడ్లిబ్ ప్రాంతంలోని తిరుగుబాటుదారుల శిక్షణా శిబిరంపై సోమవారం వైమానిక దాడి జరిగింది. ఈ దాడిలో 56 మంది సైనికులు మరణించినట్లు సిరియన్ అబ్జర్వేటరీ ఫర్ హ్యూమన్ రైట్స్ తెలిపింది. మరో 50 మందికి తీవ్రగాయాలు అయ్యాయి.
టర్కీ మద్దతు గ్రూపుల్లో ఒకటైన ఫైలాక్ అల్-షామ్ శిక్షణా శిబిరాన్ని లక్ష్యంగా చేసుకొని ఈ దాడి జరిగినట్లు ఆ గ్రూపు ప్రతినిధి యూసఫ్ హమ్మౌద్ తెలిపారు. చనిపోయిన వారిలో కొందరు నాయకులు కూడా ఉన్నట్లు హమ్మౌద్ వెల్లడించారు.
ఈ ఏడాది ప్రారంభంలో టర్కీ, రష్యా మధ్య దాడులకు వ్యతిరేకంగా ఒప్పంది జరిగింది. కానీ ఈ దాడితో సంధి ఫలితం ప్రశ్నార్థకంగా మారింది.
