ఇండో-పసిఫిక్ ప్రాంతంలోని అన్ని దేశాల భద్రత, ఆర్థిక ప్రయోజనాల అభివృద్ధే భారత్ ప్రధాన ఉద్దేశమని టోక్యోలో జరిగిన క్వాడ్ సమావేశంలో భారత్ స్పష్టంచేసింది. భారత్, అమెరికా, జపాన్, ఆస్ట్రేలియాతో కూడిన క్వాడ్ కూటమి దేశాల విదేశాంగ మంత్రుల భేటీకి హాజరైన విదేశాంగ మంత్రి జైశంకర్... ఈమేరకు దిల్లీ వాణి వినిపించారు.
"భాగస్వామ్య విలువలతో శక్తిమంతమైన ప్రజాస్వామ్య దేశాలు సమష్టిగా స్వేచ్ఛాయుత, సమ్మిళిత ఇండో-పసిఫిక్ నిర్వహణకు ప్రాధాన్యం ఇవ్వాలి. అంతర్జాతీయ నిబంధనలకు కట్టుబడి, చట్టంలోని నియమాలను గౌరవించాలి. పారదర్శకతతో అంతర్జాతీయ సముద్రాల్లో స్వేచ్ఛ, ప్రాదేశిక సమగ్రత, సార్వభౌమత్వాన్ని పరస్పరం గౌరవించుకోవాలి. వివాదాలను శాంతియుతంగా పరిష్కరించుకోవాలి."
- జైశంకర్
ఇండో-పసిఫిక్ భావన విస్తృతంగా ఆమోదం పొందడం సంతృప్తికరంగా ఉందన్నారు జైశంకర్.
ఇదీ చూడండి: పాంపియోతో విదేశాంగ మంత్రి జైశంకర్ భేటీ
