సోషల్ ఇంజనీరింగ్​తో ట్విట్టర్​పై హ్యాకర్ల దాడి!

అమెరికాలో సంచలనం రేపుతున్న బిట్​కాయిన్ కుంభకోణంపై ట్విట్టర్ మరో కీలక ప్రకటన చేసింది. హ్యాకర్లు తమ సిబ్బందిని సోషల్ ఇంజనీరింగ్ స్కీమ్​లతో మభ్యపెట్టి వాడుకుని ఉండొచ్చని తెలిపింది.

హ్యాకర్లు తమ సంస్థలోని కొందరు ఉద్యోగుల్ని నియంత్రించగలిగారని ట్విట్టర్​ తెలిపింది. దానితో వారు తమ అంతర్గత వ్యవస్థలకు సంబంధించిన వివరాలు పొందగలిగారని వెల్లడించింది. ఈ ఘటనపై దర్యాప్తు కొనసాగుతోందని, ఫెడరల్‌ ఇన్వెస్టిగేషన్‌ బ్యూరోకు సహకరిస్తున్నామని పేర్కొంది.

"కొన్ని వివరాలు తెలిశాయి. ప్రస్తుతం అన్ని ఖాతాలను సరిచేస్తున్నాం. అయితే భద్రతపరమైన కొన్ని విషయాలను చెప్పలేం. ఫొరెన్సిక్‌ సమీక్ష కొనసాగుతోంది" అని ట్విట్టర్‌ తెలిపింది. ప్రముఖులకు సంబంధించిన ప్రైవేటు సందేశాలను హ్యాకర్లు చదివారా లేదా అన్న సంగతిని సంస్థ చెప్పలేదు.

అసలేం జరిగింది..