ప్రపంచవ్యాప్తంగా అందరికీ కొవిడ్ టీకా అందించడమే లక్ష్యంగా యూనిసెఫ్(యునైటెడ్ నేషన్స్ చిల్డ్రన్స్ అండ్ ఎమర్జెన్సీ ఫండ్) మరో కీలక నిర్ణయం తీసుకుంది. భారత్కు చెందిన సీరం ఇన్స్టిట్యూట్ ఆఫ్ ఇండియాతో కలిసి ఆక్స్ఫర్డ్/ఆస్ట్రాజెనెకా, నోవావాక్స్ టీకాలను దీర్ఘకాలం పాటు పంపిణీ చేసేందుకు ఒప్పందం కుదుర్చుకుంది. దీంతో 100 దేశాల్లో 110 కోట్ల డోసుల టీకాలను సరఫరా చేయగలుగుతామని యూనిసెఫ్ వెల్లడించింది.
అల్ప, మధ్య ఆదాయ దేశాలకు ఈ టీకాలను సాంకేతికత సాయంతో సరఫరా చేస్తామని యూనిసెఫ్ ఎగ్జిక్యూటివ్ డైరెక్టర్ హెన్రిట్టా ఫోర్ తెలిపారు. కరోనా వ్యాక్సిన్‌ను ప్రపంచ దేశాలకు అందించడమే లక్ష్యంగా ఏర్పాటైన 'కోవాక్స్'కు ఈ ఒప్పందం గొప్ప విలువను తెచ్చిందని ఆమె పేర్కొన్నారు.
ఆక్స్ఫర్డ్-ఆస్ట్రాజెనెకా అభివృద్ధి చేసిన కొవిషీల్డ్ టీకాను భారత్లోని పుణెకు చెందిన సీరం ఇన్స్టిట్యూట్ ఉత్పత్తి చేస్తోంది. నోవావాక్స్ టీకాను అమెరికా చెందిన నోవావాక్స్ సంస్థ అభివృద్ధి చేసింది. 145 దేశాల్లోని కరోనా యోధులకు ఈ ఏడాది అర్ధభాగం పూర్తయ్యేనాటికి టీకా అందించాలని ఐక్యరాజ్య సమితి ఆధ్వర్యంలోని 'కోవాక్స్' నిర్దేశించుకుంది.
ఇదీ చదవండి:'వారికి ఒక్క డోసు కరోనా టీకా చాలు'
