Rules Ranjan Release : సెప్టెంబర్ 28న 'సలార్' రిలీజ్ కన్ఫార్మ్ అన్న సమయంలో కొన్ని చిన్న సినిమాలు వెనక్కితగ్గి తమ విడుదల తేదీలను మార్చుకున్నాయి. అయితే తాజాగా 'సలార్' పోస్ట్పోన్ అంటూ వార్తలు వచ్చిన నేపథ్యంలో రిలీజ్ను వాయిదా వేసుకున్న చిన్న సినిమాలన్నీ 28వ తేదీని లాక్ చేసుకున్నాయి. అయితే.. తాజాగా వాటిలో రెండు సినిమాలు వెనక్కి తగ్గినట్లు తెలుస్తోంది.
టాలీవుడ్ యంగ్ హీరో కిరణ్‌ అబ్బవరం, డీజే టిల్లు ఫేమ్ నేహా శెట్టి లీడ్ రోల్స్లో తెరకెక్కిన లేటెస్ట్ మూవీ 'రూల్స్ రంజన్'. రత్నం కృష్ణ దర్శకత్వం వహించిన ఈ సినిమా సెప్టెంబర్ 28న రిలీజ్ చేయనున్నట్లు ఇటీవలే ప్రకటించారు. అయితే.. ఇప్పుడు ఆ సినిమా విడుదల వాయిదా పడినట్లు తెలుస్తోంది. తాజాగా విడుదల చేసిన ఓ పోస్టర్లో అక్టోబర్ 6 రిలీజ్ డేట్ అని రాసుంది.
- " class="align-text-top noRightClick twitterSection" data="">
మరోవైపు ఎన్టీఆర్ బావమరిది నార్నే నితిన్‌, సంగీత్‌ శోభన్‌ మెయిన్ రోల్స్లో వచ్చిన 'మ్యాడ్' సినిమా కూడా కూడా సెప్టెంబర్28న రావాల్సింది. అయితే అది కూడా ఆ రోజు విడుదల కావడం లేదని తెలుస్తోంది. మొదట సెప్టెంబర్ 1న ఈ చిత్రాన్ని విడుదల చేయాలని మేకర్స్ భావించారు. కానీ ఆ డేట్ను మారుస్తూ.. ఈ నెల 28న విడుదల చేస్తామంటూ ఖరారు చేశారు. కానీ తాజాగా ఈ సినిమాలోని ఫస్ట్ సింగిల్ను మేకర్స్ రిలీజ్ చేశారు. అందులో విడుదల తేదీ లేకపోవడం వల్ల కొందరు నెటిజన్లు ఈ చిత్రం కూడా వాయిదా పడిందంటూ కామెంట్స్‌ చేస్తున్నారు.
Skanda Movie Release Date : మరోవైపు సెప్టెంబర్ 28న రెండు సినిమాలు రిలీజయ్యేందుకు రెడీగా ఉన్నాయి. ఎనర్జిటిక్ హీరో రామ్ పోతినేని బోయపాటి శ్రీను కాంబోలో తెరకెక్కిన 'స్కంద' .. ఈ తేదీ కోసం ఎదురుచూస్తోంది. ఈ చిత్రం కూడా మొదటి విడుదల తేదీని మార్చుకుని సలార్ వాయిదా వార్తల నేపథ్యంలో సెప్టెంబర్ 28న రానుంది. అలాగే రాఘవా లారెన్స్‌, కంగనారనౌత్‌ ప్రధాన పాత్రల్లో తెరకెక్కిన 'చంద్రముఖి 2' కూడా ఇదే తేదీన పలకరించనుంది. ఇక శ్రీకాంత్‌ అడ్డాల దర్శకత్వంలో తెరకెక్కిన 'పెదకాపు' చిత్రం సెప్టెంబర్ 29న విడుదల కానున్న సంగతి తెలిసిందే. రాజకీయ నేపథ్యంలో తెరకెక్కిన ఈ సినిమాలో విరాట్‌ కృష్ణ హీరోగా నటించారు. మరోవైపు 'సలార్' విడుదల వాయిదాపై ఇంకా అధికారిక ప్రకటన రాలేదు.
'సలార్' వాయిదా! ఆదే డేట్ను ఫిక్స్ చేసుకున్న మరో రెండు సినిమాలు.. ఎన్ని రిలీజ్ కానున్నాయంటే..
