'ఆర్ఆర్ఆర్' సినిమాతో తెలుగు సినిమా స్థాయిని అంతర్జాతీయ స్థాయికి తీసుకెళ్లారు దర్శక ధీరుడు రాజమౌళి. ఈ సినిమాతో ఎన్నో సంచలనాలు సృష్టించిన ఈ స్టార్ డైరెక్టర్.. 'ఆస్కార్' అవార్డు గెలిచి ఔరా అనిపించారు. ఓ సాధారణ దర్శకుడిగా తన కెరీర్ ప్రారంభించిన ఆయన.. ఇప్పుడు ఇంటర్నేషనల్ లెవెల్లో గుర్తింపు తెచ్చుకున్నారు. దీంతో ఆయన సినిమాలపై సినీ లవర్స్లో మరిన్ని అంచనాలు ఏర్పడ్డాయి. ఆయన తదుపరి ప్రాజెక్ట్ ఎలా ఉండనుందో అని అభిమానులు ఆతృతగా ఎదురుచూస్తున్నారు. ఇక 'ఆర్ఆర్ఆర్' తర్వాత ఆయన మహేశ్ బాబుతో 'SSMB29' అనే సినిమా కోసం వర్క్ చేస్తున్నారు. ఇప్పటికే ఈ సినిమాపై పలు వార్తలు సోషల్ మీడియాలో హల్ చల్ చేస్తున్న వేళ.. తాజాగా ఈ ట్రయాలజీ అప్డేట్ సూపర్ స్టార్ ఫ్యాన్స్ను ఆనందంలో ముంచెత్తుతోంది.
అదేంటంటే.. దర్శక ధీరుడు ఈ SSMB 29 సినిమాను ఏకంగా మూడు భాగాలుగా తెరకెక్కించే ప్లాన్లో ఉన్నట్లు సమాచారం. ప్రస్తుతం ఈ వార్త నెట్టింట్లో తెగ చక్కర్లు కొడుతోంది. గతంలోనూ ఈ సినిమా 'బాహుబలి'లా రెండు భాగాలుగా తెరకెక్కనుంది అంటూ పలు వార్తలు వైరల్ అయ్యాయి. అధికారిక ప్రకటన వస్తే ఈ విషయంపై క్లారిటీ వస్తుంది. ఈ సినిమాను మూడు భాగాల్లో తెరకెక్కిస్తే.. ఈజీగా పదేళ్లు పడుతుందని సినీ వర్గాల అంచనా. ఈ సినిమాలో పలువురు ఫేమస్ స్టార్స్తో పాటు హాలీవుడ్కు చెందిన స్టార్స్ కూడా నటించనున్నారనే టాక్ నడుస్తోంది. ఇదంతా చూస్తుంటే.. గతంలో వచ్చిన రాజమౌళి సినిమాలకు మించి ఈ సినిమా ఉండనుందని అభిమానులు ఆశాభావం వ్యక్తం చేస్తున్నారు. అయితే, జేమ్స్ బాండ్‌, ఇండియానా జోన్స్ త‌ర‌హా యాక్ష‌న్ మూవీని మ‌హేశ్తో చేయ‌డానికి రాజమౌళి ప్లాన్ చేస్తున్నారట. ప్రస్తుతం రాజమౌళి టీమ్.. మహేశ్ బాబు సినిమా స్క్రిప్టు పనుల్లో బిజీ అయిపోయిందని సమాచారం.
ప్రస్తుతం మాటల మాంత్రికుడు త్రివిక్రమ్ దర్శకత్వంలో తెరకెక్కుతున్న ఓ సినిమాకు సైన్ చేశాడు టాలీవుడ్ సూపర్ స్టార్ మహేశ్ బాబు. ఈ సినిమా షూటింగ్ పూర్తయ్యాక.. రాజమౌళితో ప్లాన్ చేసిన SSMB 29 సినిమా సెట్స్ పైకి వెళ్లనుంది. అప్పట్లోనే ఈ ప్రాజెక్ట్ గురించి మాట్లాడిన రాజమౌళి.. ఇది 'గ్లోబ్ ట్రాటింగ్ అడ్వెంచర్' స్టోరీ అంటూ చెప్పుకొచ్చారు. అంతే కాకుండా జక్కన్న తండ్రి విజయేంద్ర ప్రసాద్ సైతం ఈ సినిమా ఫారెస్ట్ అడ్వంచర్ నేపథ్యంలో తెరకెక్కుతుందంటూ పలు మార్లు ఇంటర్వ్యూలల్లో ప్రస్తావించారు.
