Mahesh Babu Cheppave Chirugali Song : సూపర్స్టార్ మహేశ్ బాబు, మాటల మాంత్రికుడు త్రివిక్రమ్ కాంబోలో తెరకెక్కుతున్న గుంటూరు కారం సినిమా షూటింగ్ శరవేగంగా జరుగుతోంది. సంక్రాంతి రేసులో ఉన్న ఈ సినిమా రిలీజ్ డేట్ దగ్గర పడుతున్నందున పోస్ట్ ప్రొడక్షన్స్ పనులు కూడా జరుగుతున్నాయి. అయితే ఈ మూవీకి సంబంధించి ఓ క్రేజీ అప్డేట్ నెట్టింట చక్కర్లు కొడుతోంది.
2003లో విడుదలైన ఒక్కడు సినిమాలో 'చెప్పవే చిరుగాలి, చల్లగా ఎద గిల్లి, ఎక్కడే వసంతాల కేళి' అంటూ సాగే పాట అప్పట్లో బ్లాక్ బస్టర్ హిట్ అయింది. మెలోడీ బ్రహ్మ మణిశర్మ బాణీలు అందించిన ఈ పాట మహేశ్ కెరీర్లో వన్ ఆఫ్ ది బెస్ట్ అని చెప్పొచ్చు. అప్పుడు ప్రముఖ గాయకుడు ఉదిత్ నారాయన్ పాడిన ఈ పాటను మహేశ్ ఇప్పడు పాడారట.
- " class="align-text-top noRightClick twitterSection" data="">
గుంటూరు కారం సినిమాలో హీరోయిన్ శ్రీలీలను ఇంప్రెస్ చేయడానికి మహేశ్ ఈ చెప్పవే చిరుగాలి పాటను పాడారట. అయితే మొత్తం సాంగ్ కాదని, కేవలం ఫస్ట్ రెండు లైన్లను మహేశ్ తన స్టైల్లో పాడినట్లు సమాచారం. ఈ సీన్ను అభిమానులను తెగ ఆకట్టుకుంటుందట. త్రివిక్రమ్ కూడా సరైన మసాలా డోస్ ఇచ్చేలా ఆ సీన్ ను చిత్రీకరించారట. ఈ విషయం తెలుసుకున్న ఫ్యాన్స్ ఫుల్ వెయిట్ చేస్తున్నట్లు చెబుతున్నారు.
ప్రస్తుతం హైదరాబాద్లో ఈ సినిమా షూటింగ్ జరుగుతున్నట్లు తెలుస్తోంది. ఇటీవలే మహేశ్ బాబు, శ్రీలీల మధ్య ఓ మాస్ సాంగ్ చిత్రీకరిస్తున్నట్లు వీడియోలు కూడా వైరల్ అయ్యాయి. ఈ సినిమాలో మహేశ్, శ్రీలీలతో పాటు మీనాక్షి చౌదరీ లీడ్ రోల్ పోషిస్తోంది. సీనియర్ నటులు జగపతిబాబు, రమ్యకృష్ణ, బ్రహ్మానందం, ప్రకాశ్ రాజ్, సునీల్, రఘబాబు తదితరులు కీలక పాత్రల్లో కనిపించనున్నారు. హారిక అండ్ హాసిన్ క్రియేషన్స్పై రాధాకృష్ణ, సూర్యదేవర నాగవంశీ సినిమాను నిర్మిస్తున్నారు. జనవరి 6వ తేదీన హైదరాబాద్లో గ్రాండ్ ఈ సినిమా ప్రీరిలీజ్ ఈవెంట్ జరగనుందని సినీ వర్గాల్లో టాక్. ఆ సమయంలో ట్రైలర్ను విడుదల చేయనున్నట్లు సమాచారం.
- " class="align-text-top noRightClick twitterSection" data="">
ఘాటెక్కిస్తున్న గుంటూరు కారం ఫస్ట్ సాంగ్ - 'దమ్‌ మసాలా బిర్యానీలా'
