Kushi Pre Release Business : సాధారణంగా ఓ మూవీ డిజాస్టర్ రిజల్ట్ను అందుకుందంటే.. అది సదరు హీరో-హీరోయిన్-డైరెక్టర్ నెక్స్ట్ మూవీ ప్రీ రిలీజ్ బిజినెస్పై కాస్త ఎంపాక్ట్ పడే అవకాశాలు ఉంటాయి. కానీ 'ఖుషి' మూవీ విషయంలో అది అంతగా లేనట్టుంది. ఈ చిత్రానికి సంబంధించి ప్రీ రిలీజ్ బిజినెస్ బాగానే జరిగినట్లు ట్రేడ్ వర్గాల నుంచి సమాచారం తెలిసింది. ఆ వివరాలు కూడా బయట చక్కర్లు కొడుతున్నాయి.
రౌడీ హీరో విజయ్ దేవరకొండ 'లైగర్'తో.. హీరోయిన్ సమంత 'శాకుంతలం'తో.. దర్శకుడు శివ నిర్వాణ 'టక్ జగదీష్'తో.. ఇలా ఈ ముగ్గురు తమ చివరి సినిమాలతో పెద్ద డిజాస్టర్లనే అందుకున్నారు. అయితే ఈ ముగ్గురు కలిసి ఇప్పుడు 'ఖుషి' చిత్రంతో ప్రేక్షకుల ముందుకు రాబోతున్నారు. రొమాంటిక్ లవ్ అండ్ ఫ్యామిలీ ఎంటర్టైనర్ రానుందీ ఈ చిత్రం. ఇప్పటికే ఈ సినిమా నుంచి విడుదలైన పాటలు మ్యూజికల్ హిట్గా నిలిచాయి. ట్రైలర్ కూడా పర్వాలేదనిపించింది.
Kushi Movie Release Date : మలయాళ మ్యూజిక్ దర్శకుడు హేశం అబ్దుల్ వహాబ్ అందించిన సంగీతం బాగా ఆకట్టుకుంది. అందుకే నా రోజా నువ్వే, ఆరాధ్య సాంగ్స్ రిలీజై చాలా రోజులు అవుతున్నా ఇప్పటికీ ఎక్కడో ఒక చోట వినిపిస్తూనే ఉన్నాయి. అందుకే సినిమాపై హైప్ బాగానే క్రియేట్ అవుతోంది. ఈ చిత్రాన్ని సెప్టెంబర్ 1న పాన్ ఇండియా వైడ్గా రిలీజ్ చేయబోతున్నారు. విడుదల తేదీ దగ్గరపడుతోంది. ఈ నేపథ్యంలో ప్రీ రిలీజ్ బిజినెస్ వివరాల బయట చక్కర్లు కొడుతున్నాయి.
ఈ సినిమా శాటిలైట్ డిజిటల్ హక్కులను భారీ ధరకు కొనుగోలు చేసినట్లు తెలిసింది. ఈ నాన్ థియేట్రికల్ రైట్స్ ద్వారానే ఆల్మోస్ట్ పెట్టిన బడ్జెట్ను రికవర్ అయినట్లు టాక్ వినిపిస్తోంది. ఇప్పుడు థియేట్రికల్ హక్కులు కూడా మంచి ధరకే అమ్ముడుపోయాయని తెలిసింది. కేవలం తెలుగు వెర్షన్ థియేట్రికల్ రైట్స్ దాదాపు రూ.50కోట్ల వరకు అమ్ముడుపోయాయని ట్రేడ్ వర్గాల నుంచి మాటలు వినిపిస్తున్నాయి. ఒకవేళ ఇదే కనుక నిజమైతే.. మంచి బిజినెస్సే జరిగినట్టు చెప్పొచ్చు. ఇకపోతే ఈ చిత్రాన్ని మైత్రి మూవీ మేకర్స్ నిర్మిస్తోంది.
Vijay Devarakonda Marriage News : 'అప్పుడే పెళ్లి చేసుకుంటా.. అనసూయతో నాకేం సంబంధం లేదు!'
