Balakrishna Gopichand malineni movie: బాలకృష్ణ కథానాయకుడిగా గోపీచంద్‌ మలినేని దర్శకత్వంలో ఓ చిత్రం రూపొందుతోంది. మైత్రీ మూవీ మేకర్స్‌ సంస్థ నిర్మిస్తోంది. శ్రుతిహాసన్‌ కథానాయిక. ప్రస్తుతం హైదరాబాద్‌లోని రామోజీ ఫిల్మ్‌ సిటీలో ఓ పాటను తెరకెక్కిస్తున్నారు. అందుకోసం ప్రత్యేకంగా సెట్స్‌ని తీర్చిదిద్దారు. అయితే తాజాగా అందిన సమాచారం ప్రకారం.. ప్రస్తుతం స్పెషల్ సాంగ్ రూపొందిస్తున్నారని తెలుస్తోంది. ఇందులో డింపుల్ హయాతి ఆడిపాడనున్నట్టు సమాచారం. ఇప్పటికే 'ఖిలాడి' సినిమాలో రవితేజ సరసన హీరోయిన్గా నటించి తన హాట్ హాట్ అందాలతో కుర్రకారు మనసు దోచుకున్న ఈ ముద్దుగుమ్మ.. ఈ సాంగ్లోనూ తన అందచందాలతో ఆకట్టుకోబోతుంది. కాగా, ఈ చిత్రంలో దునియా విజయ్‌ ప్రతినాయకుడిగా, వరలక్ష్మీ శరత్కుమార్ కీలక పాత్ర పోషిస్తున్నారు.
Venkatesh Salman khan movie: బాలీవుడ్ స్టార్ సల్మాన్ ఖాన్ హీరోగా నటిస్తున్న తాజా సినిమా 'కభీ ఈద్ కభీ దివాలీ'. ఫర్హాద్ సామ్‌జి దర్శకత్వం వహిస్తున్నారు. ఈ సినిమాలో పూజా హెగ్డే హీరోయిన్గా నటిస్తోంది. టాలీవుడ్ సీనియర్ నటుడు వెంకటేష్ కీలక పాత్ర పోషిస్తున్నారు. రీసెంట్గానే సినిమా షూటింగ్ను ప్రారంభమైంది. ఇప్పుడీ సినిమాకి సంబంధించిన ఓ ఇంట్రెస్టింగ్ వార్త బయటకు వచ్చింది. అదేంటంటే.. ఈ మూవీలో పూజాహెగ్డే.. వెంకటేష్కి చెల్లెలిగా కనిపించనుందట. వెంకీ, పూజా ఇద్దరూ ఈ సినిమాలో నటిస్తుండడంతో తెలుగునాట కూడా ఈ చిత్రంపై మంచి బజ్ క్రియేట్ అవుతోంది. ప్రస్తుతం ముంబయిలోని విలేపార్లేలో ప్రత్యేకంగా వేసిన సెట్‌లో షూటింగ్ జరుపుతున్నారు. త్వరలోనే వెంకీ ఈ సినిమా సెట్స్లో జాయిన్ కానున్నారు.
ఇదీ చూడండి: 'స్పిరిట్'పై కియారా రియాక్షన్.. 'విక్రమ్'లో సూర్య కన్ఫామ్!
