తెలుగు బుల్లితెరపై కిరాక్‌ డ్యాన్స్‌ పెర్ఫార్మెన్స్, అదిరిపోయే స్టెప్పులతో ఉర్రూతలూగిస్తున్న షో 'ఢీ 14'. ఈ షో ద్వారా ఎంతో మంది డ్యాన్సర్లు తమ టాలెంట్ చూపించి ఇండస్ట్రీలో ఛాన్స్ దక్కించుకున్నారు. ప్రస్తుతం ఈ కార్యక్రమానికి వ్యాఖ్యాతగా ప్రదీప్ మాచిరాజు వ్యవహరిస్తున్నాడు. జబర్ధస్త్ హైపర్ ఆది, బిగ్ బాస్ ఫేమ్ అఖిల్ టీమ్ లీడర్లుగా వ్యవహరిస్తున్నారు. తాజాగా ఈ డ్యాన్స్‌ షో ఫైనల్ ఎపిసోడ్కు చేరుకుంది. డిసెంబర్‌ 4న ఆదివారం ప్రసారం కానుంది. గతంలో ఢీ ఫైనల్ ఎపిసోడ్స్కు ఎన్టీఆర్, రాజమౌళి, అల్లు అర్జున్.. ఇలా పలువురు సెలబ్రిటీలు రాగా ఈ సారి మాస్ మహారాజ్ రవితేజ ప్రత్యేక అతిథిగా ఎంట్రీ ఇచ్చి దుమ్మురేపిన సంగతి తెలిసిందే. ఇప్పటికే టీజర్ విడుదల కాగా ఇప్పుడు ప్రోమో రిలీజ్ అయింది.
ఇందులో రవితేజ.. తన మార్క్ కామెడీ, బాడీ లాంగ్వేజ్తో ఫుల్ జోష్ నింపేశారు. అందర్నీ తెగ నవ్విచేశారు. ఈ క్రమంలోనే హైపర్ ఆదిపై పంచ్లు వేస్తూ కితకితలు పెట్టించారు. 'ఈ షోకు నీకు సంబంధం ఏంటని' హైపర్ ఆదిని అనడంతో నవ్వులు విరబూశాయి. ఇక రవితేజ తన కామెడీతో పాటు డ్యాన్స్‌తో అదరగొట్టారు. ఈ ప్రోమో సోషల్ మీడియాలో తెగ వైరల్ అవుతుంది. ఇంకెందుకు ఆలస్యం చూసేయండి మరి..
- " class="align-text-top noRightClick twitterSection" data="">
కాగా, రవితేజ ఇండస్ట్రీలో హిట్, ఫ్లాప్లతో సంబంధం లేకుండా వరుసగా మూవీస్ చేసుకుంటూ వెళ్తున్నారు. ఇటీవల విడుదలైన రామారావు ఆన్ డ్యూటీ మూవీ మిక్స్డ్ టాక్ తెచ్చుకుంది. ఇక ఆయన నటించిన ధమాకా మూవీ రిలీజ్కు సిద్ధంగా ఉంది. ఆ తర్వాత బాబీ దర్శకత్వంలో మెగాస్టార్ చిరంజీవి నటిస్తున్న వాల్తేర్ వీరయ్య మూవీలోనూ స్పెషల్ రోల్లో కనిపించనున్నారు.
ఇదీ చూడండి: అందాల బొమ్మలా నివేదా పేతురాజ్ లుక్స్ చూస్తే మతిపోయేలా
