Chiru Venky Salman party: లోకేశ్కనగరాజ్ దర్శకత్వంలో విడుదలైన 'విక్రమ్' సినిమా సక్సెస్ అవ్వడం వల్ల చిత్రయూనిట్కు ఇటీవలే స్పెషల్ పార్టీ ఇచ్చారు మెగాస్టార్ చిరంజీవి. ఈ వేడుకలో యూనివర్సల్ స్టార్ కమల్హాసన్, ఓ మూవీ షూటింగ్ కోసం హైదరాబాద్ వచ్చిన బాలీవుడ్ స్టార్ కండవీరుడు సల్మాన్ ఖాన్ పాల్గొని సందడి చేశారు. ఈ ముగ్గరిని ఓకే ఫ్రేమ్లో చూసిన అభిమానుల ఆనందానికి అవధులు లేకుండా పోయాయి. అయితే ఇప్పుడీ స్టార్స్ మళ్లీ ఓ ప్రైవేట్ పార్టీలో కలిసి ఎంజాయ్ చేశారు. కానీ ఈ సారి కమల్కు బదులు విక్టరీ వెంకటేశ్ ఇందులో పాల్గొన్నారు. ఈ ముగ్గురు కలిసి చిల్ కొడుతూ ఫొటోలకు పోజులిచ్చారు. సరదాగా గడిపారు. ప్రస్తుతం దీనికి సంబంధించిన ఓ ఫొటో నెట్టింట్లో వైరల్గా మారింది. ఈ వేడుక.. ఈ ముగ్గురికి తెలిసిన ఓ కామన్ ఫ్రెండ్ నివాసంలో జరిగినట్లు తెలిసింది. కాగా, సల్మాన్ ఖాన్ నటిస్తున్న 'కభీ ఈద్ కభీ దివాలీ'లో వెంకటేశ్, రామ్చరణ్ ఓ కీలక పాత్ర పోషస్తుండగా.. చిరంజీవి 'గాడ్ఫాదర్'లో సల్మాన్ఖాన్ గెస్ట్ రోల్ పోషిస్తున్నారు. ఈ షూటింగ్ల నిమిత్తం భాయ్ హైదరాబాద్లో ఉంటున్నారు.
ఇక ఈ ముగ్గురి హీరోల సినిమాల విషయానికొస్తే.. ఇటీవలే 'ఆచార్య'తో ప్రేక్షకులను పలకరించిన చిరు.. ప్రస్తుతం 'గాడ్ఫాదర్', 'వాల్తేరు వీరయ్య'లో.. సల్మాన్.. 'కభీ ఈద్ కభీ దివాలీ'తో పాటు 'టైగర్ 3', 'పఠాన్'(అతిథి పాత్ర)లో నటిస్తున్నారు. ఇక 'ఎఫ్ 3'తో సందడి చేసిన వెంకటేశ్.. త్వరలోనే 'రానానాయుడు' వెబ్సిరీస్తో అభిమానులను అలరించనున్నారు.
ఇదీ చూడండి: నటుడి ప్రాణం మీదకు తెచ్చిన విన్యాసం.. విమానంలో ఆస్పత్రికి తరలింపు!
