Bhola shankar Chiranjeevi craze : మెగాస్టార్ చిరంజీవికి ఉన్న క్రేజ్, పాపులారిటీ గురించి ఎంత చెప్పినా తక్కువే అవుతుంది. టాలీవుడ్ చిత్ర పరిశ్రమలో అగ్ర హీరోగా ఇప్పటికీ కొనసాగుతూ.. యంగ్ హీరోలకు దీటుగా సినిమాలు చేస్తున్నారు. ఆయన్నే ఆదర్శంగా తీసుకుని సినీ పరిశ్రమలోకి వచ్చిన ఎంతో మంది హీరోలు, నటీనటులు ఉన్నారు. అయితే తెలుగు రాష్ట్రాల్లోనే కాదు దేశ, విదేశాల్లోనూ మెగాస్టార్ చిరంజీవికి భారీగా అభిమానులు ఉన్నారు. అయితే తాజాగా చైనాలో జరిగిన ఓ సంఘటన మెగాస్టార్ క్రేజ్కు నిదర్శనంగా నిలుస్తుంది.
అదేంటంటే.. చైనా రాజధాని బీజింగ్ దగ్గరలోని జంజు 26 అనే గవర్నమెంట్ మిడిల్ స్కూల్లో.. ఓ టీచర్ స్టూడెంట్స్కు ప్రజెంటేషన్ ఇవ్వమని అడిగారు. 'మీకు నచ్చిన ఇన్స్పైరింగ్ పర్సనాలిటీ గురించి ఓ ఆడియో విజువల్ ప్రజెంటేషన్ ఇవ్వండి' అని ఆ టీజర్ ఓ అసైన్మెంట్ ఇచ్చారు. అయితే ఆ పాఠశాలలో 7వ తరగతి చదువుతున్న జిస్మిత అనే విద్యార్థిని.. మెగాస్టార్ చిరంజీవి మీద ఓ ఆడియో విజువల్ ఇచ్చేందుకు రెడీ అయింది. అయితే ఆ విద్యార్థి మాటలు విన్న టీజర్ ఆశ్చర్యపోయారట.
'చిరంజీవి ఎవరు?' అని ఆ టీచర్ అడిగారట. అప్పుడా విద్యార్థి మెగాస్టార్ గురించి గూగుల్లో సెర్చ్ చేసి చూపించిందట. వాస్తవానికి అక్కడ భారతీయులను ఇలాంటివి చెప్పడానికి అనుమతించరని తెలిసింది. కానీ.. జిస్మిత చెప్పిన మాటలు, సమాచారం గురించి అక్కడి టీచర్ విని ఆశ్చర్యపోయారట. అలా జిస్మిత మెగాస్టార్ చిరంజీవి గురించి దాదాపు 5 నిమిషాల పాటు విజువల్ ప్రజెంటేషన్ ఇచ్చిందట. తరగతి గదిలో అనర్గళంగా మాట్లాడిందట. దీంతో అక్కడ ఉన్నవారంతా జిస్మితను చప్పట్లతో అభినందించారు.
జిస్మిత ఎవరంటే?.. మెగాస్టార్ చిరంజీవిని స్ఫూర్తిగా తీసుకుని డ్యాన్స్ నేర్చుకుని ఎన్నో డ్యాన్స్ పోటీల్లో పాల్గొన్న కొణతాల విజయ్- జ్యోతి దంపతుల కుమార్తె జస్మిత. ఈ జంట చైనా వెళ్లి అక్కడే ఓ డ్యాన్స్ ఇన్స్టిట్యూట్ పెట్టి సెటిల్ అయిపోయారు. డ్యాన్స్, యోగాలోను గిన్నిస్ బుక్ ఆఫ్ వరల్డ్ రికార్డ్స్ సాధించింది ఈ జంట.
Chiranjeevi Bhola shankar Release Date : ఇకపోతే ప్రస్తుతం చిరంజీవి భోళాశంకర్ సినిమాలో నటించారు. మరో రెండు రోజుల్లో ఈ చిత్రం రిలీజ్ కానుంది. ఇందులో తమన్నా హీరోయిన్గా నటించగా.. కీర్తి సురేశ్ చిరుకు చెల్లిలిగా నటించింది. ఏకే ఎంటర్టైన్మెంట్స్ బ్యానర్పై అనిల్ సుంకర ఈ చిత్రాన్ని నిర్మించారు. ఇప్పటికే రిలీజైన ఈ సినిమా పోస్టర్స్, టీజర్, ట్రైలర్ అభిమానులను బాగానే ఆకట్టుకున్నాయి.
