టాలీవుడ్​ హిట్​ కాంబో రిపీట్​.. బన్నీతో మరోసారి మాటల మాంత్రికుడు!​

Allu Arjun Trivikram Next Movie : టాలీవుడ్​లో మరో హిట్​ కాంబో ప్రేక్షకులను అలరించనుంది. 'పుష్ప' సినిమాతో పాన్​ ఇండియా క్రేజ్​ సంపాందించుకున్న ఐకాన్​ స్టార్​ అల్లు అర్జున్.. తనకు హిట్​ సినిమాలు అందించిన టాలీవుడ్​ ప్రముఖ దర్శకుడితో మరోసారి జట్టు కట్టనున్నాడట. ఆ వివరాలు..

Allu Arjun Trivikram Next Movie : ప్రముఖ టాలీవుడ్​ దర్శకుడు సుకుమార్​ తెరకెక్కించిన 'పుష్ప'తో సినిమా పాన్​ ఇండియా రేంజ్​లో మంచి గుర్తింపు తెచ్చుకున్నారు ఐకాన్​ స్టార్​ అల్లు అర్జున్​. ఈ హింట్​ కాంబో నుంచి 'పుష్ప-2' త్వరలో విడుదల కానుంది. పుష్ప తర్వాత వరుస సినిమాలకు ఓకే చెబుతున్నారు అల్లు అర్జున్. పాన్​ ఇండియా ఆడియెన్స్​ను దృష్టిలో పెట్టుకుని కొత్త ప్రజెక్టులకు గ్రీన్ సిగ్నల్​ ఇస్తున్నారు. ఈ నేపథ్యంలో బన్నీ నుంచి రాబోయే తదుపరి అనౌన్స్​మెంట్​పై ఆసక్తి నెలకొంది. ఈ నేపథ్యంలో నెట్టింట్లో ఓ వార్త చక్కర్లు కొడుతోంది. అదేంటంటే..

టాలీవుడ్​ మాటల మాంత్రికుడు త్రివిక్రమ్​ శ్రీనివాస్​ దర్శకత్వంలో 'జులాయి', 'సన్​ ఆఫ్​ సత్యమూర్తి', 'అలవైకుంఠపురంలో' లాంటి సూపర్​ హిట్​లు చిత్రాల్లో నటించారు బన్నీ. ఇప్పుడు ఈ హిట్​ కాంబినేషన్​ మరోసారి రిపీట్​ అయ్యే అవకాశాలు కనిపిస్తున్నాయి. ఈ మేరకు సోషల్​ మీడియాలో టాక్​ నడుస్తోంది. ఇక, ఈ సినిమాలో అల్లు అర్జున్​ సరసన.. మలయాళీ ముద్దుగుమ్మ సంయుక్తా మీనన్ హీరోయిన్​గా నటించే అవకాశం ఉందట. అయితే, ఆ విషయానికి సంబంధించిన అధికారిక ప్రకటన త్వరలో వెలువడే అవకాశం ఉందని తెలుస్తోంది.