10 Movies for Rs 699 at PVR INOX : సినిమా ప్రియులకు ప్రముఖ మల్టీప్లెక్స్‌ చైన్‌ పీవీఆర్ ఐనాక్స్ (PVR INOX) శుభవార్త చెప్పింది. 'పీవీఆర్ ఐనాక్స్ పాస్‌పోర్ట్‌' పేరిట మంత్లీ పాస్‌ను తీసుకొచ్చింది. సినీ ప్రేక్షకులను థియేటర్లకు రప్పించేలా ఈ పాస్‌ను పీవీఆర్ ఐనాక్స్ ప్రవేశపెట్టింది. అక్టోబర్‌ 16 నుంచి ఈ పాస్‌ అందుబాటులోకి వచ్చింది. కేవలం మీరు 699 రూపాయలు చెల్లించి మంత్లీ సబ్‌స్క్రిప్షన్‌ పాస్‌ తీసుకుంటే.. నెలలో 10 సినిమాలు చూడవచ్చు. అయితే.. ఈ ఆఫర్ సోమవారం నుంచి గురువారం వరకు మాత్రమే వర్తిస్తుందనే విషయం మూవీ లవర్స్ గుర్తుంచుకోవాలి.
PVR INOX Launches Monthly Pass : చాలా మంది సినిమాలను థియేటర్లో చూడడం ఇష్టమని చెప్తున్నా.. థియేటర్లకు మాత్రం రావడం లేదని పీవీఆర్ ఐనాక్స్ లిమిటెడ్‌ సీఈఓ గౌతమ్‌ దత్తా ఈ సందర్భంగా పేర్కొన్నారు. ‘పఠాన్‌’(Pathaan Movie), ‘జవాన్‌’, ‘సలార్‌’ ‘లియో’(Leo Movie) వంటి పెద్ద పెద్ద చిత్రాలు మొబైల్‌ ఫోన్లకు రావాలంటే కొన్ని వారాల సమయం పడుతుందన్నారు. అయితే, థియేటర్లలో చూడాలని ఉన్నా.. ప్రేక్షకులు ఖర్చుకు వెనుకాడుతున్నట్లు తమ దృష్టికి వచ్చిందని ఆయన తెలిపారు. ఇది ఇండస్ట్రీకి ఏమాత్రం మంచిది కాదని, పైగా చిన్న సినిమాలకు దీనివల్ల నష్టం వాటిల్లుతుందని పేర్కొన్నారు.
PVR INOX Introduces 10 Movies for Rs 699 : దీంతో ప్రేక్షకులను తిరిగి థియేటర్లకు రప్పించేందుకు పీవీఆర్ ఐనాక్స్ పాస్‌పోర్ట్‌ పేరుతో ఈ మంత్లీ పాస్‌ను తీసుకొచ్చినట్లు దత్తా వెల్లడించారు. అదేవిధంగా ఇప్పటికే పీవీఆర్ ఐనాక్స్ సంస్థ మల్టీప్లెక్సుల్లో ఫుడ్, శీతలపానీయాల ధరలను 40 శాతం మేర తగ్గించినట్లు పీవీఆర్ ఐనాక్స్ లిమిటెడ్‌ సీఈఓ గౌతమ్‌ దత్తా పేర్కొన్నారు. నెలలో రెండు మూడు సార్లు ప్రేక్షకులు థియేటర్లకు రావడం మొదలైతే.. వీక్షణలు పెరిగి మరిన్ని సినిమాలు వస్తాయని అన్నారు. దీని ద్వారా థియేటర్లు మళ్లీ అలవాటుగా మారుతాయని దత్తా తెలిపారు.
మల్టీప్లెక్స్‌లలో ట్రైలర్‌ల కోసం ఓ షో.. కేవలం రూ.1కే.. ఎప్పటి నుంచో తెలుసా?
10 Films for Rs 699 : ఈ పాస్‌పోర్ట్‌ మంత్లీ సబ్‌స్క్రిప్షన్‌ ఆఫర్ను పీవీఆర్ ఐనాక్స్ యాప్, వెబ్‌సైట్‌ నుంచి కనీసం మూడు నెలలకు కొనుగోలు చేయాల్సి ఉంటుందని పీవీఆర్ ఐనాక్స్ తెలిపింది. అలాగే సినిమా టికెట్ బుకింగ్‌ సమయంలో పేమెంట్‌ ఆప్షన్‌లో పాస్‌పోర్ట్‌ కూపన్‌ను వినియోగించుకోవాలని సూచించింది. ఒకవేళ ఒకటి కంటే ఎక్కువ టికెట్లు బుక్‌ చేయాల్సి వస్తే.. ఒక టికెట్‌కు మాత్రమే ఈ పాస్‌ వర్తిస్తుందని పేర్కొంది. మిగిలిన మొత్తాన్ని చెల్లించాల్సి ఉంటుందని వెల్లడించింది. అంటే ఇది సింగిల్‌ యూజర్‌కు మాత్రమే వర్తిస్తుంది. అలాగే వేరొకరికి ట్రాన్స్‌ఫర్‌ చేయడం కుదరదనే విషయం గుర్తుంచుకోవాలని తెలిపింది. థియేటర్‌లోకి ప్రవేశించేటప్పుడు ఈ గుర్తింపు కార్డును చూపాల్సి ఉంటుందని పీవీఆర్ ఐనాక్స్ పేర్కొంది.
అమ్మ బాబోయ్.. ఫ్లైట్ జర్నీ కన్నా ఈ సినిమా టికెట్ ధరే ఎక్కువ!
