కరీంనగర్ జిల్లా హుజూరాబాద్ మండలం రాంపూర్లో వివాహిత అనుమానాస్పద స్థితిలో మృతి చెందింది. మానుకొండూర్ మండలం చెంజర్లకు చెందిన మౌనికకు... రాంపూర్కు చెందిన ధనుంజయ్తో మూడేళ్ల క్రితం వివాహం జరిగింది. వీరికి రెండేళ్ల కుమారుడు, ఐదునెలల కుమార్తె ఉన్నారు.
వేధింపులే కారణమా?
పెళ్లైన నాటి నుంచి అత్తింటి వారు అదనపు కట్నం తీసుకురావాలని వేధించే వారని మౌనిక కుటుంబసభ్యులు ఆరోపించారు. అనుమానంతో చిత్రహింసలకు గురి చేసేవారని తెలిపారు. అత్తింటి వారే హత్య చేసి... ఉరి వేసుకున్నట్లు చిత్రీకరిస్తున్నారని వ్యాఖ్యానించారు.
మాతృ హృదయం
సీఐ మాధవి సంఘటన స్థలాన్ని సందర్శించారు. హత్యకు గల వివరాలపై ఆరా తీశారు. ఐదునెలల పాపను దగ్గరకు తీసుకుని ఓదార్చారు. మౌనిక తల్లి రమాదేవి ఫిర్యాదు మేరకు అనుమానాస్పద మృతిగా కేసు నమోదు చేసి దర్యాప్తు చేస్తున్నట్లు సీఐ తెలిపారు.
ఇదీ చూడండి: మక్తల్‌ శివారులో యువతి దారుణ హత్య
