కూరగాయల దొంగతనానికి వెళ్లి ఇద్దరు మృతి.. ఏం జరిగిందంటే?

Two killed steal vegetables: పొలంలో కూరగాయల దొంగతనానికి వెళ్లి విద్యుదాఘాతానికి గురై ఇద్దరు కూలీలు మృతి చెందారు. సంగారెడ్డి జిల్లా అందోల్ మండలంలో ఈ విషాదకర ఘటన చోటుచేసుకుంది. కుటుంబీకుల ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.

Two killed steal vegetables: ఓ రైతు పొలంలో కూరగాయలు చోరీ చేసేందుకు వెళ్లి విద్యుదాఘాతానికి గురై ఇద్దరు కూలీలు మరణించారు. ఈ ఘటన సంగారెడ్డి జిల్లా అందోల్ మండలం చందంపేట గ్రామ శివారులో చోటుచేసుకుంది.

పని ముగించుకొని ఇంటికి వస్తున్న క్రమంలో..

జోగిపేట ఎస్సై వెంకటేశం ఈ ఘటనకు సంబంధించిన వివరాలు వెల్లడించారు. చందంపేట గ్రామానికి చెందిన చాకలి విఠల్, యాదయ్యలు గ్రామ శివారులోని ఓ కల్లు డిపోలో రోజువారి కూలి పని చేసుకుని కుటుంబాన్ని పోషిస్తున్నారు. ఆదివారం రాత్రి కల్లు దుకాణంలో పని ముగించుకొని స్వగ్రామానికి వస్తున్న క్రమంలో ఓ రైతు పొలంలో పండిన కూరగాయలు దొంగతనం చేసేందుకు వెళ్లారు.

కూరగాయలు తెంపే క్రమంలో...

అడవి పందుల బారి నుంచి పంటలను కాపాడేందుకు ఆ రైతు పొలం చుట్టూ కంచె ఏర్పాటు చేసి దానికి విద్యుత్ తీగను అనుసంధానం చేశాడు. ఇది గమనించని వారు కూరగాయలు తెంపే క్రమంలో విద్యుదాఘాతానికి గురై అక్కడికక్కడే మృత్యువాత పడ్డారు. సోమవారం ఉదయం పొలం వైపు వెళ్లిన రైతులు గుర్తించి గ్రామ సర్పంచ్ నాగిరెడ్డికి, పోలీసులకు సమాచారం ఇచ్చారు. ఈ మేరకు కుటుంబీకుల ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్సై వెంకటేశం తెలిపారు.

ఇదీ చదవండి:బాలికపై తల్లి ప్రియుడి అత్యాచారం.. గర్భవతిని చేసి ఆపై..