గుట్టుచప్పుడు కాకుండా అడ్డదారిలో జరుగుతున్న గుట్కా రవాణాకు దక్షిణ మండలం టాస్క్ఫోర్స్ పోలీసులు అడ్డుకట్టవేశారు. హైదరాబాద్ సంతోష్‌నగర్‌ ఠాణా పరిధిలోని రియాసత్ నగర్లో ఓ గోదాముపై దాడి చేసిన అధికారులు భారీగా నిల్వ ఉంచిన గుట్కా ప్యాకెట్లను స్వాధీనం చేసుకున్నారు. ఈ కేసులో ఒకరిని అరెస్టు చేశామని తెలిపారు.
అడ్డదారిలో డబ్బులు సంపాదించాలనే దురాశతో నిందితుడు గోదాములో గుట్కా పాకెట్లను నిల్వచేసి.. చుట్టుపక్కల ప్రాంతాల్లోని కిరాణా దుకాణాలు, పాన్‌షాపులకు సరఫరా చేస్తున్నాడని పోలీసులు గుర్తించారు. ఈ గుట్కా పాకెట్లను ఎక్కడ తయారు చేస్తున్నారు? అతడికి ఎక్కడు నుంచి కొనుగోలు చేశాడు? ఎవరు సరఫరా చేశారనే అంశంపై దర్యాప్తు చేస్తున్నామని పేర్కొన్నారు.
ఇదీ చదవండి: Kishan reddy: 'డిసెంబర్ నాటికి దేశంలో ప్రజలందరికీ వ్యాక్సిన్'
