ఆస్తుల వివరాల సేకరణ పారదర్శకంగా జరగాలి: అదనపు కలెక్టర్​

యాదాద్రి భువనగిరి జిల్లాలో ఆస్తుల వివరాల సేకరణ పారదర్శకంగా సాగాలని అధికారులు, సిబ్బందిని అదనపు కలెక్టర్ ఖిమ్యా నాయక్ ఆదేశించారు. ఆస్తుల వివరాలను ధరణి పోర్టర్​లో నమోదు చేయడం ద్వారా భవిష్యత్తులో ఇబ్బందులు తలెత్తవన్నారు. సర్వే జరుగుతున్న తీరును పరిశీలించారు.

యాదగిరిగుట్ట పట్టణంలోని పలు కాలనీల్లో ఆస్తుల వివరాల సేకరణ కోసం జరుగుతున్న సర్వేను అదనపు కలెక్టర్ ఖిమ్యానాయక్​ పరిశీలించారు. వ్యవసాయేతర ఆస్తుల వివరాలను సేకరించి ధరణి సైట్​లో నమోదు చేయాలని ప్రభుత్వం ఆదేశించిన నేపథ్యంలో.. సిబ్బంది ఇంటింటికి తిరుగుతూ వివరాలు సేకరిస్తున్నారు. ఇంటి పన్ను, నీటి పన్ను, కరెంటు బిల్లు, ఇంటి యజమాని ఫోటో, గుర్తింపు కార్డు, ఇంటి రిజిస్ట్రేషన్ పత్రాలు, పాస్​బుక్ నెంబర్ తదితర వివరాలను సేకరిస్తున్నారు.

యాదాద్రి భువనగిరి జిల్లాలో ఆస్తుల వివరాల సేకరణ

ఉదయం 6 గంటల నుంచే సర్వేను ప్రారంభించాలని, అవసరమైతే అదనపు సిబ్బందిని నియమించుకోవాలని అదనపు కలెక్టర్​ సూచించారు. సర్వే పారదర్శకంగా సాగాలని, ఉన్నతాధికారులు ఎప్పటికప్పుడు పర్యవేక్షించాలన్నారు.

ఇవీ చూడండి: అధికారులు కావలెను: ఇన్​ఛార్జీల పెత్తనం.. పరిపాలనపై ప్రభావం