అసెంబ్లీ ముట్టడికి వేములవాడ యువకుల యత్నం... అరెస్ట్​

తమ ఎమ్మెల్యే కనబడట్లేదంటూ... రాజన్న సిరిసిల్ల జిల్లా వేములవాడ నియోజకవర్గానికి చెందిన యువకులు అసెంబ్లీని ముట్టడించేందుకు యత్నించారు. వెంటనే అప్రమత్తమైన పోలీసులు వారిని అదుపులోకి తీసుకున్నారు.

రాష్ట్ర వార్షిక బడ్జెట్​ సమావేశాలు ప్రారంభమైన వేళ కొందరు యువకులు అసెంబ్లీ ముట్టడికి యత్నించారు. వేములవాడ ఎమ్మెల్యే చెన్నమనేని రమేశ్​ కనబడటం లేదంటూ ఆ నియోజకవర్గానికి చెందిన కొందరు యువకులు శాసనసభను ముట్టడించేందుకు ప్రయత్నించారు.

అప్రమత్తమైన పోలీసులు యువకులను అడ్డుకున్నారు. ఈ సందర్భంగా.. కాసేపు ఉద్రిక్తత నెలకొంది. పోలీసులు వారిని బలవంతంగా అరెస్ట్ చేసి గోషామహల్ పీఎస్​కు తరలించారు.

ఇదీ చూడండి: అన్ని వర్గాల ప్రజల పురోగతికి మా ప్రభుత్వం కట్టుబడి ఉంది: గవర్నర్‌