రాజ్యసభ సభ్యుడు జోగినపల్లి సంతోష్కుమార్‌కు "గ్రామోదయ బంధుమిత్ర పురస్కారం" లభించింది. పర్యావరణ పరిరక్షణ, పచ్చదనం ఆవశ్యకతపై ఆయన చేపట్టిన "గ్రీన్ ఛాలెంజ్" కార్యక్రమం అవిశ్రాంతంగా కొనసాగుతున్న నేపథ్యంలో ఆయనకు ఈ పురస్కారం దక్కింది.
మహాత్మాగాంధీ 150వ జన్మదినం పురస్కరించుకుని గ్రామోదయ ఛాంబర్ ఆఫ్ కామర్స్ టెక్నాలజీ ప్రతినిధులు ఈ పురస్కారాన్ని ఎంపీ సంతోష్ కుమార్‌కు అందజేశారు. హైదరాబాద్‌లో ఎంపీని ప్రత్యేకంగా సన్మానించి పురస్కారాన్ని బహుకరించారు.
సీఎం కేసీఆర్ పిలుపు మేరకు హరితహారంలో భాగంగా గ్రీన్ ఛాలెంజ్ కార్యక్రమం చేపట్టామని సంతోష్ తెలిపారు. ఈ అవార్డు తన బాధ్యతను మరింత పెంచిందన్నారు.
గ్రామోదయ బంధుమిత్ర పురస్కారం వచ్చిన సందర్భంగా ఎంపీ సంతోష్కుమార్ ట్విట్టర్ ద్వారా హర్షం వ్యక్తం చేశారు. భూమిపుత్రుడిగా తాను గ్రీన్ ఛాలెంజ్ కార్యక్రమం మరింత బాధ్యతతో ముందుకు తీసుకెళ్తానన్నారు. అవార్డును ముఖ్యమంత్రి కేసీఆర్‌కు అంకితం ఇస్తున్నట్టు పేర్కొన్నారు.
గ్రీన్ ఛాలెంజ్‌లో భాగంగా దేశవ్యాప్తంగా ఎందరో ప్రముఖులు భాగస్వాములయ్యారు. టాలీవుడ్, బాలీవుడ్ నటీనటులతో పాటు పలు రంగాల ప్రముఖులు గ్రీన్ ఛాలెంజ్‌లో భాగంగా మొక్కలు నాటారు.
ఇవీచూడండి: రామోజీ ఫిలింసిటీలో మొక్కలు నాటిన రియల్ హీరో సోనూసూద్...
