How To Check PM Kisan Beneficiary Status : రైతులకు ఆర్థికంగా భరోసా కల్పించేందుకు కేంద్ర ప్రభుత్వం "ప్రధానమంత్రి కిసాన్ సమ్మాన్ నిధి" పథకాన్ని ప్రవేశ పెట్టింది. ఈ పథకం ద్వారా ఏడాదికి రూ.6,000 రైతులకు అందజేస్తోంది. ఈ నగదు నేరుగా రైతుల బ్యాంకు ఖాతాల్లో జమ అవుతాయి. అయితే ఈ సొమ్ము ఒకేసారి కాకుండా మొత్తం 3 దఫాలుగా రైతుల ఖాతాల్లో జమ చేస్తారు. అంటే ప్రతీ నాలుగు నెలలకు ఒకసారి ఈ నిధులు రైతుల అకౌంట్లో జమ అవుతాయి.
పీఎం కిసాన్ 15వ విడత నిధుల విడుదల
PM Kisan 15th Installment 2023 : ప్రధానమంత్రి నరేంద్ర మోదీ బుధవారం ఝార్ఖండ్లో 15వ విడత పీఎం కిసాన్ సమ్మాన్ నిధులను విడుదల చేశారు. ఈ-కేవైసీ చేయించుకున్న లబ్ధిదారుల ఖాతాల్లో ఈ నిధులు జమ అవుతాయి. అందుకే అర్హులైన రైతులు కచ్చితంగా.. పీఎం కిసాన్ పథకం లబ్ధిదారుల జాబితాలో తమ పేరు ఉందో? లేదో? చెక్ చేసుకోవాల్సి ఉంటుంది. అది ఎలాగో ఇప్పుడు తెలుసుకుందాం.
- ముందుగా మీరు www.pmkisan.gov.in వెబ్సైట్ ఓపెన్ చేయాలి.
- వెబ్సైట్లోని "Beneficiary List" ఆప్షన్పై క్లిక్ చేయాలి.
- మీ రాష్ట్రం, జిల్లా, మండలం, గ్రామం వివరాలను ఎంచుకోవాలి.
- లబ్ధిదారుల జాబితా కోసం ''Get Report" క్లిక్ చేయాలి. అంతే సింపుల్!
- మీ గ్రామంలోని లబ్ధిదారుల పేర్లు అక్కడ కనిపిస్తాయి. వాటిలో మీ పేరు ఉందో? లేదో? చూసుకోవాలి.
నోట్ : మీకు కనుక ఏదైనా సందేహం ఉన్నా? లేక సాయం కావాలన్నా 155261 లేదా 011-24300606 నంబర్లకు ఫోన్ చేయవచ్చు.
పీఎం కిసాన్ సమ్మాన్ నిధి పథకం కోసం దరఖాస్తు చేయడం ఎలా?
How To Apply For PM Kisan Scheme : మీరు కనుక అర్హులైన రైతులైతే.. పీఎం కిసాన్ సమ్మాన్ నిధి కోసం అప్లై చేసుకోవచ్చు. అది ఎలాగో ఇప్పుడు తెలుసుకుందాం.
- ముందుగా మీరు pmkisan.gov.in వెబ్సైట్ ఓపెన్ చేయండి.
- New Farmer Registration లింక్పై క్లిక్ చేసి, మీ ఆధార్ నంబర్‌ నమోదు చేయండి. తరువాత క్యాప్చాను ఎంటర్ చేయండి.
- అవసరమైన వివరాలను నమోదు చేసి 'Yes'పై క్లిక్ చేయండి.
- PM కిసాన్ దరఖాస్తు ఫారమ్-2023ని నింపిన తర్వాత Save బటన్పై క్లిక్ చేయండి.
- భవిష్యత్ అవసరాల కోసం అప్లికేషన్ ప్రింట్అవుట్ తీసుకుని భద్రపరుచుకోండి.
