స్టాక్మార్కెట్లు మంగళవారం నష్టాలతో ముగిశాయి. ఆరంభం సెషన్లో లాభాల దిశగా అడుగులు వేసిన సూచీలు క్రమక్రమంగా నష్టాల్లోకి జారుకున్నాయి. బొంబాయి స్టాక్ ఎక్స్చేంజి సూచీ-సెన్సెక్స్ 465 పాయింట్ల క్షీణించి 48,253 వద్ద స్థిరపడింది. జాతీయ స్టాక్ ఎక్స్చేంజి సూచీ-నిఫ్టీ 137 పాయింట్లు నష్టపోయి 14,496 వద్ద ముగిసింది.
స్థానిక లాక్డౌన్ల కారణంగా దేశంలో నిరుద్యోగం పెరగడం, ఏప్రిల్ నెలలో తయారీ రంగం పీఎంఐ 8 నెలల కనిష్ఠానికి చేరుకోవడం లాంటి వార్తలు మదుపరుల సెంటిమెంట్ను దెబ్బతీశాయి. ఈ క్రమంలో అమ్మకాలు భారీగా పెరిగాయి.
ఇంట్రాడే సాగిందిలా..
సెన్సెక్స్ 48,996 పాయింట్ల గరిష్ఠాన్ని తాకగా.. 48,149 పాయింట్ల కనిష్ఠాన్ని నమోదు చేసింది.
నిఫ్టీ నేడు 14,723 పాయింట్ల అత్యధిక స్థాయి, 14,461 పాయింట్ల అత్యల్ప స్థాయిల మధ్య కదలాడింది.
లాభనష్టాల్లోనివివే..
బజాజ్ ఫినాన్స్, ఎస్బీఐ, ఓఎన్జీసీ, కోటక్ మహీంద్ర బ్యాంక్, టీసీఎస్, టెక్ మహీంద్ర షేర్లు లాభాలను ఆర్జించాయి.
సన్ఫార్మా, డాక్టర్ రెడ్డీస్, రిలయన్స్, ఎం అండ్ ఎం, హెచ్డీఎఫ్సీ బ్యాంక్, భారతీ ఎయిర్టెల్, మారుతి, ఇన్ఫోసిస్ షేర్లు నష్టాలను మూటగట్టుకున్నాయి.
