ఒడుదొడుకుల్లో ప్రారంభమైన స్టాక్ మార్కెట్లు మంగళవారం భారీ లాభాలతో ముగిశాయి. బీఎస్ఈ-సెన్సెక్స్ 376 పాయింట్లు బలపడి.. 40,522 వద్ద స్థిరపడింది. ఎన్ఎస్ఈ-నిఫ్టీ 121 పాయింట్ల వృద్ధితో 11,889 వద్దకు చేరింది. బ్యాంకింగ్ షేర్ల దన్నుతో మార్కెట్లు లాభాలతో సెషన్ను ముగించాయి.
ఇంట్రాడే సాగిందిలా
సెన్సెక్స్ 40,555 పాయింట్ల అత్యధిక స్థాయి, 39,978 పాయింట్ల అత్యల్ప స్థాయిలను నమోదు చేసింది.
నిఫ్టీ 11,899 పాయింట్ల గరిష్ఠ స్థాయి, 11,723 పాయింట్ల కనిష్ఠ స్థాయిల మధ్య కదలాడింది.
లాభనష్టాల్లోనివి ఇవే..
కోటక్ బ్యాంక్ షేర్లు దాదాపు 11 శాతం లాభాలను గడించాయి. నెస్లే ఇండియా, ఏషియన్ పెయింట్స్, బజాజ్ ఫినాన్స్ షేర్లు లాభాల్లో ప్రధానంగా ఉన్నాయి.
ఎంఅండ్ఎం, హెచ్సీఎల్టెక్, ఐటీసీ, సన్ఫార్మా, ఓఎన్జీసీ, హెచ్డీఎఫ్సీ షేర్లు నష్టపోయాయి.
ఇతర మార్కెట్లు..
ఆసియాలో ఇతర ప్రధాన మార్కెట్లలో షాంఘై మినహా.. టోక్యో, సియోల్, హాంకాంగ్ సూచీలు నష్టాలను చవిచూశాయి.
రూపాయి, ముడి చమురు..
కరెన్సీ మార్కెట్లో రూపాయి బుధవారం 13 పైసలు బలపడింది. డాలర్తో పోలిస్తే మారకం విలువ 73.71 వద్ద స్థిరపడింది.
ముడి చమురు ధరల సూచీ బ్రెంట్ 0.52 శాతం పడిపోయింది. బ్యారెల్ ముడి చమురు ధర 40.67 డాలర్లుగా ఉంది.
