దేశీయ మార్గాల్లో మరో 20 కొత్త సర్వీసులను ప్రారంభించనున్నట్లు ప్రముఖ విమానయాన సంస్థ స్పైస్జెట్ ప్రకటించింది. మార్చి 29న నూతన దేశీయ సర్వీసులకు పచ్చజెండా ఊపనున్నట్లు స్పష్టం చేసింది. పట్నా, అమృత్సర్, వారణాసి, గువాహాటి పట్టణాల్లో సేవలందిస్తాయని పేర్కొంది.
ఇందులో కొన్నింటిని ప్రాంతీయ అనుసంధాన పథకం(ఆర్సీఎస్)-ఉడాన్కు కేటాయిస్తామని తెలిపింది. అందులో భాగంగా హైదరాబాద్-మంగళూరు, బెంగళూరు-జబల్పుర్, ముంబయి-ఔరంగాబాద్ తదితర మార్గాల్లో నడపనున్నట్లు పేర్కొంది.
కొత్త విమానాలతో ఆర్సీఎస్ కింద స్పైస్ సేవలు 52 సర్వీసులతో 12 ప్రాంతాలకు విస్తరించనున్నాయి. నూతన సర్వీసుల్లో బోయింగ్ 737-800, బాంబార్డియర్ క్యూ400 విమానాలను ఉపయోగిస్తామని స్పైస్ జెట్ తెలిపింది.
