భారతీయ స్టేట్ బ్యాంక్ (ఎస్బీఐ) గృహ రుణాల వ్యాపారం రూ.5 లక్షల కోట్ల మార్క్ దాటినట్లు బుధవారం ప్రకటించింది. రియల్ ఎస్టేట్, హౌసింగ్ వ్యాపారాలు (ఆర్ఈహెచ్బీయూ) గత పదేళ్లలో ఐదింతలైనట్లు వెల్లడించింది.
2011లో ఈ విభాగం అసెట్ అండర్ మేనేజ్మెంట్ (ఏయూఎం) రూ.89,000 కోట్లుగా ఉంటే.. ఇప్పుడది రూ.5 లక్షల కోట్ల మార్క్ దాటినట్లు వివరించింది ఎస్బీఐ. 2024 నాటికి రూ.7 లక్షల కోట్ల ఏయూఎంను సాధించాలని లక్ష్యంగా పెట్టుకున్నట్లు పేర్కొంది.
ఈ అసాధారణ వృద్ధి.. వినియోగదారులకు బ్యాంకుపై ఉన్న నమ్మకానికి నిదర్శనమన్నారు ఎస్బీఐ ఛైర్మన్ దినేశ్ ఖారా. గృహ రుణాల సామర్థ్యాన్ని మరింత మెరుగుపరిచేందుకు వివిధ రకాల డిజిటల్ కార్యక్రమాలపై దృష్టి సారిస్తున్నట్లు తెలిపారు.
దేశంలో గృహ రుణాల మార్కెట్లో ఎస్బీఐ వాటా ప్రస్తుతం 34 శాతంగా ఉంది.
ఇదీ చూడండి:స్పెక్ట్రమ్ వేలానికి దిగ్గజ టెల్కోలు రెడీ!
