ముకేశ్ అంబానీ నేతృత్వంలోని రిలయన్స్ జియోలో మరో విదేశీ సంస్థ భారీ పెట్టుబడి పెట్టింది. సౌదీకి చెందిన సావరిన్ ఫండ్.. పబ్లిక్ ఇన్వెస్ట్మెంట్ ఫండ్(పీఐఎఫ్) 2.32 శాతం వాటా కొనుగోలు చెసింది. రూ. 11,367 వేల కోట్లతో ఈ వాటాను దక్కించుకుంది పీఐఎఫ్.
ఇప్పటికే 9 విదేశీ సంస్థలు జియో ప్లాట్ఫామ్స్లో 22.38 శాతం వాటాను దక్కించుకున్నాయి. ఈ సంస్థలు జియోలో మొత్తం రూ.104,326.95 కోట్లు పెట్టుబడి పెట్టాయి. తాజా పెట్టుబడితో జియోకు 9 వారాల్లో వచ్చిన మొత్తం పెట్టుబడులు రూ.115,693.95 కోట్లకు చేరింది.
జియో ప్రణాళిక..
2021 వరకు సంస్థను రుణరహితంగా మార్చాలని రిలయన్స్ భావిస్తోంది. ఇందులో భాగంగానే జియో వరుస పెట్టుబడులను ఆకర్షిస్తోంది. ఇందుకోసం జియోలో 25 శాతం మైనారిటీ వాటాను వాటాదార్లకు విక్రయించాలని నిర్ణయించింది. పీఐఎఫ్ ఒప్పందంతో జియోలో వాటా విక్రయాల ప్రక్రియ దాదాపు పూర్తయినట్లేనని తెలుస్తోంది.
ఇదీ చూడండి:ఏజీఆర్ బకాయిలు చెల్లించండి.. కష్టాల్లో ఉన్నాం ప్లీజ్!
