సామ్​సంగ్​ నుంచి అదిరిపోయే స్మార్ట్​వాచ్​లు

సామ్​సంగ్​ నుంచి గెలాక్సీ సిరీస్​లో 3 కొత్త వాచ్​లు విపణిలోకి వచ్చాయి. రూ. 2,590 ప్రారంభ ధర నుంచి ఇవి అందుబాటులో ఉన్నాయి. మిలీనియల్స్​, జనరేషన్​ జెడ్​ వారిని దృష్టిలో ఉంచుకొని.. చేతికి ధరించగలిగే స్మార్ట్​వాచ్​లను విపణిలోకి వదిలింది సామ్​సంగ్​.

ఇప్పటి యువతరాన్ని దృష్టిలో ఉంచుకొని.. సరికొత్త గెలాక్సీ సిరీస్​ వాచ్​లను తీసుకొచ్చింది సామ్​సంగ్​. గెలాక్సీ వాచ్​ యాక్టివ్​, గెలాక్సీ ఫిట్​, గెలాక్సీ ఫిట్​-ఈ పేర్లతో విడుదల చేసింది.

చేతికి ధరించడానికి సౌకర్యంగా, తేలికగా ఈ వాచ్​లు ఉంటాయని చెప్పారు సామ్​సంగ్​ ఇండియా మొబైల్​ బిజినెస్​ డైరెక్టర్​ ఆదిత్య బబ్బర్​.

సరికొత్త సదుపాయాలు...

వీటిలో గెలాక్సీ వాచ్​ యాక్టివ్​.. మిలీనియల్స్​, జనరేషన్​ జెడ్​ వారిని దృష్టిలో ఉంచుకొని రూపొందించిన స్పోర్ట్స్​ వాచ్​. వ్యాయామం, నిద్ర, ఆరోగ్యం, ఒత్తిడి నియంత్రణను పర్యవేక్షిస్తుంది. రక్త పోటులో హెచ్చుతగ్గులనూ తెలియచేస్తుంది.

గెలాక్సీ వాచ్​ యాక్టివ్​ను అన్ని సామ్​సంగ్​ రిటైల్​ స్టోర్లతో పాటు​ అమెజాన్​​, సామ్​సంగ్​ ఈ-షాప్​లోనూ అందుబాటులో ఉంచింది. బ్లాక్​, సిల్వర్​, రోస్​ గోల్డ్​, డీప్​ గ్రీన్​ రంగుల్లో లభ్యమవుతుంది. ధర రూ.19,900.

గెలాక్సీ ఫిట్​.. సరికొత్త సాంకేతికతతో రూపొందింది. ఆరోగ్యాన్ని పర్యవేక్షించే ఫిట్​నెస్​ బ్యాండ్​గా తయారుచేశారు. గెలాక్సీ ఫిట్​ నలుపు, తెలుపు, పసుపు రంగులతో మార్కెట్లోకి విడుదలయ్యాయి. ధర రూ.9,990.

గెలాక్సీ ఫిట్​-ఈ ధర రూ.2,590.

ఇవి సామ్​సంగ్​ స్టోర్లతో పాటు.. ఫ్లిప్​కార్ట్​, మింత్ర, సామ్​సంగ్​ ఈ-షాప్​లో లభ్యమవుతాయి.

ఇదీ చూడండి:

'విద్యుత్​ వాహనాలా.. అవేమన్నా ఆధార్ కార్డులా?'