సంచలనాల టెలికాం సంస్థ రిలయన్స్ జియో మరో ఘనతను దక్కించుకుంది. మార్కెట్లోకి అడుగుపెట్టిన అతి తక్కువ సమయంలోనే (ఐదేళ్లలోపే) ప్రపంచంలో ఐదో స్ట్రాంగెస్ట్ బ్రాండ్గా అవతరించింది. బ్రాండ్ ఫినాన్స్ విడుదల చేసిన 'గ్లోబల్ 500' ర్యాంకింగ్స్లో ఈ స్థానాన్ని దక్కించుకుంది.
ఈ జాబితాలో చైనాకు చెందిన 'వీ ఛాట్' అగ్రస్థానంలో నిలిచింది. లగ్జరీ కార్ల తయారీ సంస్థ 'ఫెరారీ' (ఇటలీ), రష్యన్ బ్యాంక్ 'ఎస్బెర్', శీతల పానియాల సంస్థ కోకా-కోలా (అమెరికా) తర్వాతి స్థానాల్లో ఉన్నాయి.
జాబితాలో తొలిసారి..
జియో తొలిసారి ఈ జాబితాలోకి చేరి.. ఏకంగా ఐదవ స్థానాన్ని దక్కించుకోవటం విశేషం. ఈ భారతీయ టెలికాం సంస్థ 100కి 91.7 బీఎస్ఐ స్కోరు సాధించింది. దీని బ్రాండ్ రేటింగ్ ఏఏఏ+ అని బ్రాండ్ ఫినాన్స్ నివేదిక తెలిపింది.
2016లో మార్కెట్లోకి అడుగుపెట్టిన జియో.. 40 కోట్ల మంది చందాదారులతో దేశంలో అతి పెద్ద టెలికాం సంస్థగా నిలిచింది. ప్రపంచంలో మూడో అతిపెద్ద టెలికాం సంస్థగా ఉంది.
ఇదీ చూడండి:ప్రపంచంలోనే మూడో విలువైన ఐటీ బ్రాండ్గా 'టీసీఎస్'
