అమెరికా స్టాక్ మార్కెట్లు నవంబర్లో రికార్డు స్థాయి లాభాలను నమోదు చేశాయి. కరోనా వ్యాక్సిన్పై వెలువడిన వార్తలు, ఇతర సానుకూల అంశాలు మార్కెట్ల ర్యాలీకి కారణమయ్యాయి.
డోజోన్స్ 30ఏళ్ల తర్వాత అత్యధిక నెలవారీ వృద్ధిని నమోదు చేసింది. నవంబర్లో 11.9 శాతం లాభాలను గడించింది. ఇంతకు ముందు నెలవారీ ప్రాతిపదికన 1987 జనవరిలో అత్యధికంగా 13.8 శాతం వృద్ధిని నమోదు చేసింది డోజోన్స్.
సోమవారం సెషన్లో మాత్రం డోజోన్స్ 0.9 శాతం నష్టంతో ముగిసింది.
ఎస్ అండ్ పీ 500 కూడా నవంబర్లో 10.8 శాతం వృద్ధి చెందింది. ఈ ఏడాది ఏప్రిల్లో నమోదైన 12.7 శాతం వృద్ధి తర్వాత ఇదే అత్యధికం.
సోమవారం సెషన్లో ఎస్ అండ్ పీ 500 0.5 శాతం నష్టంతో ముగిసింది.
టెక్ కంపెనీల ఎక్స్ఛేంజీగా పేరున్న నాస్డాక్ నవంబర్లో 11.8 శాతం వృద్ధిని నమోదు చేసింది. ఈ ఏడాది ఇదే రెండో అత్యధిక నెలవారీ వృద్ధి కావడం గమనార్హం. ఏప్రిల్లో నాస్డాక్ 15.5 శాతం లాభాలను గడించింది.
సోమవారం సెషన్లో నాస్డాక్ 0.1 శాతం నష్టంతో సెషన్ను ముగించింది.
ఇదీ చూడండి:ఎస్‌‌అండ్పీ చేతికి 'ఐహెచ్‌ఎస్'-2020లోనే అతిపెద్ద డీల్
