Tesla recall Cars: విద్యుత్ కార్ల తయారీ దిగ్గజం టెస్లా 54 వేల కార్లు, ఎస్యూవీలను రీకాల్ చేసింది. ఫుల్ సెల్ఫ్ డ్రైవింగ్ సాఫ్ట్వేర్లో సమస్య తలెత్తడం వల్ల ఈ నిర్ణయం తీసుకుంది. ట్రాఫిక్ సిగ్నల్ వద్ద రెడ్ లైట్ పడినా.. ఆగకుండా ముందుకు వెళ్లిపోతుందని అమెరికా రక్షణ నియంత్రణ సంస్థ పేర్కొంది. ఇది భద్రతా పరమైన సమస్యగా మారిందని అధికారులు విడుదల చేసిన ఓ ప్రకటనలో తెలిపింది.
ఈ మేరకు నేషనల్ హైవే ట్రాఫిక్ సేఫ్టీ అడ్మినిస్ట్రేషన్ అధికారులతో రెండుసార్లు సమావేశమైన తర్వాత టెస్లా రీకాల్‌కు అంగీకరించింది. అయితే ఆ ఫీచర్ వల్ల ఎలాంటి ప్రమాదాలు జరగలేదని టెస్లా చెబుతోంది. టెస్లా రీకాల్ చేసిన కార్లలో మోడల్ ఎస్ సెడాన్‌లు, ఎక్స్ ఎస్యూవీ, మోడల్ 3 సెడాన్‌లను, మోడల్ వై ఎస్యూవీలు ఉన్నాయి.
అయితే టెస్లా డ్రైవర్లు ఫుల్ సెల్ఫ్ డ్రైవింగ్ సాఫ్ట్‌వేర్‌ను పరీక్షిస్తున్నారని.. కార్లు తమంతట తాముగా నడలేవని.. డ్రైవర్లు అన్ని సమయాల్లో సిద్ధంగా ఉండాలని కంపెనీ చెబుతోంది. ప్రస్తుతం తలెత్తిన సమస్యను త్వరలోని పరిష్కరించనున్నట్లు పేర్కొంది.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇదీ చూడండి: 'డిజిటల్ రూపీ' కథేంటి? కొత్త కరెన్సీతో లాభాలుంటాయా?
