అన్లాక్ 2.0తో కొనుగోళ్ల జోరు.. 35,400పైకి సెన్సెక్స్

నేటి స్టాక్ మార్కెట్లు

Published : Jul 1, 2020, 10:02 AM IST

Updated : Jul 1, 2020, 3:47 PM IST

15:38 July 01

నష్టాలకు బ్రేక్..

వరుస నష్టాలకు బ్రేక్ వేస్తూ.. బుధవారం భారీ లాభాలతో ముగిశాయి స్టాక్ మార్కెట్లు. సెన్సెక్స్ 499 పాయింట్లు బలపడి 35,414 వద్దకు చేరింది. నిఫ్టీ 128 పాయింట్ల వృద్ధితో 10,430 వద్ద స్థిరపడింది.

దేశవ్యాప్తంగా రెండో దశ లాక్డౌన్ సడలింపులతో కొనుగోళ్ల జోరు కొనసాగింది.
ఆర్థిక, హెవీ వెయిట్ షేర్లు లాభాలకు కారణమయ్యాయి.
యాక్సిస్ బ్యాంక్, బజాజ్ ఫిన్సర్వ్, ఐటీసీ, హెచ్డీఎఫ్సీ, బజాజ్ ఫినాన్స్ షేర్లు లాభాపడ్డాయి.
ఎన్టీపీసీ, ఎల్&టీ, నెస్లే, ఎం&ఎం, కోటక్ బ్యాంక్ షేర్లు నష్టపోయాయి.

13:31 July 01

భారీ లాభాలు..

స్టాక్ మార్కెట్లు భారీ లాభాలతో ట్రేడవుతున్నాయి. సెన్సెక్స్ 510 పాయింట్లకుపైగా బలపడి 35,428 వద్ద కొనసాగుతోంది. నిఫ్టీ 130 పాయింట్లకుపైగా లాభంతో 10,437 వద్ద ట్రేడవుతోంది.

ఆర్థిక షేర్లు భారీగా పుంజుకోవడం లాభాలకు కారణంగా తెలుస్తోంది. హెవీ వెయిట్ షేర్లూ లాభాలకు దన్నుగా నిలుస్తున్నాయి. దేశ వ్యాప్తంగా అన్లాక్ 2.0 ప్రారంభమైన నేపథ్యంలో మదుపరుల సెంటిమెంట్ మరింత బలపడిందని విశ్లేషకులు అంటున్నారు.
యాక్సిస్ బ్యాంక్, హెచ్డీఎఫ్సీ, బజాజ్ ఫినాన్స్, ఇండస్ఇండ్ బ్యాంక్, బజాజ్ ఫినాన్స్, ఎస్బీఐ షేర్లు లాభాల్లో ఉన్నాయి.
ఎన్టీపీసీ, నెస్లే, ఎల్&టీ, ఓఎన్జీసీ, కోటక్ బ్యాంక్, పవర్గ్రిడ్ షేర్లు నష్టాల్లో ట్రేడవుతున్నాయి.

09:45 July 01

35 వేల పైకి సెన్సెక్స్

దేశీయ స్టాక్ మార్కెట్లు బుధవారం లాభాలతో ప్రారంభమయ్యాయి. బీఎస్ఈ-సెన్సెక్స్ దాదాపు 190 పాయింట్ల లాభంతో 35,104 వద్ద కొనసాగుతోంది. ఎన్ఎస్ఈ-నిఫ్టీ 40 పాయింట్లకుపైగా బలపడి 10,349 వద్ద ట్రేడవుతోంది.

బ్యాంకింగ్, హెవీ వెయిట్ షేర్లు లాభాలకు దన్నుగా నిలుస్తున్నాయి.

యాక్సిస్ బ్యాంక్, ఇండస్ఇండ్ బ్యాంక్, హెచ్డీఎఫ్సీ, ఐటీసీ, ఐసీఐసీఐ బ్యాంక్, ఎస్బీఐ షేర్లు ప్రధానంగా లాభాల్లో ఉన్నాయి.

ఎన్టీపీసీ, కోటక్ బ్యాంక్, ఎల్&టీ, ఓఎన్జీసీ, టాటా స్టీల్, నెస్లే షేర్లు ఒడుదొడుకుల్లో ట్రేడవుతున్నాయి.