రిలయన్స్ ఇండస్ట్రీస్ తన సామ్రాజ్యాన్ని విస్తరించుకోవడానికి మరింత వేగం పెంచింది. ఇప్పటికే అనేక సంస్థలు రిలయన్స్లో పెట్టుబడులు పెట్టాయి. తాజాగా... తన రిటైల్ విభాగంలోని 40శాతం వాటాను అమెజాన్.కామ్కు రిలయన్స్ ఆఫర్ చేసినట్టు సమాచారం. దీని విలువ 20బిలియన్ డాలర్లు ఉంటుందని అంచనా.
ఈ ఒప్పందంపై అమెజాన్తో రిలయన్స్ ఇప్పటికే చర్చలు జరిపినట్టు తెలిసిందని బ్లూమ్బర్గ్ వార్తా సంస్థ కథనం ప్రచురించింది. ఈ ఆఫర్పై అమెజాన్ ఆసక్తి కనబరిచినట్టు వివరించింది. ప్రస్తుతం ఒప్పందానికి సంబంధించిన సంప్రదింపులు జరుగుతున్నట్టు వెల్లడించింది.
ఒక వేళ అమెజాన్ అంగీకరిస్తే.. భారత్ రిటైల్ రంగంలో ఇదే అతిపెద్ద ఒప్పందంగా మారనుంది. అయితే ఈ బ్లూమ్బర్గ్ వార్తపై స్పందించడానికి రెండు సంస్థలు నిరాకరించాయి.
ఇవీ చూడండి:-
