భారత నావికా సమ్మిట్ రెండో విడతను మార్చి 2న... ప్రధానమంత్రి నరేంద్ర మోదీ ప్రారంభిస్తారని కేంద్ర నౌకాశ్రయ, షిప్పింగ్, సముద్రయాన మంత్రి మన్సుఖ్ మాండవీయా తెలిపారు. వర్చువల్గా జరిగే ఈ సమ్మిట్లో 24 దేశాలు పాల్గొంటాయని అన్నారు.
ఈ సమ్మిట్కు చైనా మినహా సముద్ర తీరం ఉన్న 56 దేశాల్ని ఆహ్వానించినట్లు మంత్రి తెలిపారు. అంతర్జాతీయ సహకారం పెంచేందుకు, భాగస్వామ్య దేశాల మధ్య సంబంధాలు మరింత మెరుగయ్యేందుకు ఈ సమ్మిట్ వేదికగా నిలుస్తుందని పేర్కొన్నారు.
సీప్లేన్ సేవలు
మరోవైపు, దేశవ్యాప్తంగా సీప్లేన్ సేవలను విస్తరించనున్నట్లు మాండవీయా తెలిపారు. దిల్లీ-జైపూర్, దిల్లీ- ఉదయ్పుర్, దిల్లీ-జోధ్పుర్, దిల్లీ-బద్రినాథ్ సహా పలు రూట్లలో ఈ సేవలను అందుబాటులోకి తీసుకురానున్నట్లు చెప్పారు. అండమాన్ నికోబార్, లక్షద్వీప్లలో కూడా సేవలను ప్రారంభిస్తామని వెల్లడించారు. పౌర విమానయాన శాఖ సహకారంతో సీప్లేన్ రూట్లను అభివృద్ధి చేస్తామని చెప్పారు. ఇందుకోసం ఎయిర్లైన్ ఆపరేటర్లకు ఆహ్వానం పంపించినట్లు తెలిపారు.
ఇదీ చూడండి: తొలి సీ-ప్లేన్ సేవలు ప్రారంభించిన ప్రధాని మో
దీ
