స్మార్ట్ ఫోన్లలో గూగుల్ పిక్సెల్ ప్రత్యేకతే వేరు. తక్కువ కెమెరాలతో సరికొత్త ఫీచర్లతో.. ఇతర కంపెనీలకు చెందిన ప్రీమియం మోడళ్లకు గట్టి పోటీనిస్తుంది పిక్సెల్. దీనితో ప్రపంచవ్యాప్తంగా పిక్సెల్ నుంచి కొత్త ఫోన్ వస్తుందంటే.. భారీ అంచనాలు ఉంటాయి.
ఈ అంచనాల నడుమ.. గూగుల్ పిక్సెల్ 5ఏ ను విడుదల చేసేందుకు గూగుల్ సిద్ధమైంది. ఆగస్టులో ఈ మోడల్ను మార్కెట్లోకి విడుదల చేసే అవకాశమున్నట్లు తెలుస్తోంది.
గతంలోలానే..
పిక్సెల్ 4ఏను గత ఏడాది ఆగస్టు 3న ఆవిష్కరించి.. ఆగస్టు 20న ఎంపిక చేసిన మార్కెట్లలోకి అందుబాటులోకి తెచ్చింది గూగుల్. అదే తరహాలో 'పిక్సెల్ 5ఏ'ను కూడా అమెరికా, జపాన్ వంటి మార్కెట్లలోనే తొలుత అందుబాటులోకి తెచ్చే అవకాశం ఉందని ఓ టెక్ వార్తా సంస్థ పేర్కొంది.
గూగుల్ కూడా ఇప్పటికే.. 'పిక్సెల్ 5ఏ 5జీ' మోడల్ ఈ ఏడాదిలోనే విడుదలవుతుందని అధికారికంగా ప్రకటించింది.
పిక్సెల్ 5ఏ ఫీచర్ల అంచనాలు..
- 6.2 అంగుళాల ఓఎల్ఈడీ స్క్రీన్
- క్వాల్కమ్ 765జీ ప్రాసెసర్
- డ్యుయల్ రియల్ కెమెరా
పిక్సెల్ నుంచి అక్టోబర్లో 6, 6ప్రో మోడళ్లను కూడా విడుదల చేసే అవకాశముందని వార్తలొస్తున్నాయి. ఈ ఫోన్ గూగుల్ సొంత చిప్సెట్తో రానున్నట్లు తెలుస్తోంది. స్నాప్ డ్రాగన్ 870 ప్రాసెసర్ను పోలి ఉంటుందని అంచనా.
